有人走失貓

早幾日前，係屋企食完午飯，諗住落街買嘢，一落到大廈大堂就發現有隻貓，除咗隻貓，仲見到有個紙盒係度，心諗又有衰人丟貓出嚟

唯有抱佢返屋企，當時仲有個黑裔女清潔工係度，呢個女清潔工當年我發現Mango 仔時，佢都在場，佢都見證我帶Mango 仔返屋企，所以個女清潔工知我住邊個單位，當時我抱佢上樓佢都好乖無掙扎

但當帶咗佢入房之後就開始驚驚同發惡，見到佢咁驚又惡，都唔敢摸佢，所以都唔知佢係男仔定女仔

 

所以我就出去畀佢自己冷靜吓，幾隻貓走嚟房門口度八

再入去見到佢有嘔，心諗佢會唔會係有病，所以至畀人遺棄

畀嘢佢食，佢都唔食

佢仍然好驚，仍然唔肯食嘢

見佢咁驚，呢晚仔仔爸都唔敢係房瞓，怕佢聽到有聲都會驚，所以仔仔爸就推床褥出廳瞓，Minnie 同奇哥搭便車出廳

第二朝早，見佢都無食過嘢，砂盤又無大小便，畀濕糧仍然唔食

仲越嚟越惡，想衝出嚟打人

終於見到佢有小便

 

後來佢匿咗去第二度，試吓畀吱吱肉醬佢食，見佢好似想食，就唔敢打擾佢

 

後來我再入房見佢都係無食

 

我間唔中就入房叫吓佢，見到佢行出嚟，但佢一見到我又好驚，見啲乾糧有食過

有時我會入房睇書陪吓佢

黃昏畀濕糧，見佢情願食乾糧都唔食濕糧

見佢轉咗地方

呢朝見佢有大小便，乾糧都有食過，佢好似放鬆咗少少，離遠見到我無fee 我，但我一行埋啲就fee

 

差唔多到中午，有人拍門，開門見到個女黑裔清潔工帶咗兩個西班牙少女嚟，西班牙少女用手提電話show 張貓相我睇，原來係佢隻貓走失咗，咁我就帶佢入房，畀佢同隻貓團聚，佢見番隻貓好開心，不停多謝我，原來佢係囡囡嚟，見貓地遇番主人我都戥佢開心

貓女走咗之後，Mango 仔黐實我，表示話真係好彩，少隻貓爭寵，哈哈

 希望貓囡主人以後小心啲，唔好又再次畀貓貓走失啦