有咗貓床唔要我

感恩節時，我咪買咗幾張貓床，除咗呢張一放低，就比天師仔大愛之外

呢張都有比Mango 仔寵幸過

後來Minnie 嚟咗，放入房床底比佢試吓瞓唔瞓，咁佢都有捧場

咁自從Minnie 唔再困房，佢就唔再返入房瞓張貓床，咁我就將佢放係廳呢個位置

Mango 仔就勁鍾意，呢張床依家做咗佢張私家床

佢鍾意到早午晚都係度瞓，依家夜晚都唔嚟同我瞓，嗚鳴

某日我見到有張貓屋床好抵，仲抵過我買嗰兩張，問阿姐有無興趣買比佢啲囡囡，因為平時阿姐都鍾意去呢間market 買餸

 咁阿姐見咁抵就去買咗兩間比啲囡囡，另外仲買多間比我，問我要咩顏色

阿姐send 相比我睇，幾個孫女都幾滿意

另一張貓屋床放係樓上，S'mores & Sundae 就鍾意瞓樓上嗰間，唔同Macy & Mittens爭

咁上次阿姐返嚟時，攞埋間貓屋床比我，暫時放係房，奇哥仔走去八卦

後來放出廳，都係得Mango 仔有興趣

但如果Mango 仔真係想瞓覺，佢都係鍾意返張新床度瞓

咁天師仔都有入去hea 過

 天師仔始終都係鍾意佢自己張貓床，不過有時張床比Charco 仔瞓咗

見到貓地係間貓屋床度仲咗個頭出嚟，或者見佢哋係度捐番出嚟，我覺得好鬼得意

 雖然呢排Mango 仔愛上瞓貓床而唔嚟同我瞓，但佢都有兩晚心血來朝，都有上嚟同我瞓一陣

Mango Group

阿姐有養貓個同事，即係Curry & Hoshi 個媽咪，佢第一眼見過Mango 仔個樣，就深深愛上咗，除咗Mango 仔似佢家Curry之外，仲有比Mango 仔對朝偉眼電親，哈哈

所以阿姐成日都要我影Mango 仔，send Mango 仔啲相比佢，等佢比個同事睇

Sexy 姿勢

電眼放送

可愛覺豬樣

大便樣

趣怪樣

後來阿姐都覺得將啲相send 來send 去，都好煩，一於開個Group，叫我直接將啲相post上去，除咗Curry & Hoshi 個主人，另外阿姐仲有一位同事又係好鍾意Mango 仔，有時佢哋都會send 啲得意有趣嘅貓貓相上去

有咗呢個Group 之後，我Group 就成日響不停，哈哈