2016年6月26日 星期日

補祝父親節

阿姐佢仲未搵到嘢做呢,呢個暑假佢都仲會留係大學度幫手,佢終於買咗部二手車o黎代步了

星期四阿姐唔聲唔聲咁返o黎,仲特登o黎接我收工o忝


一返到屋企就去黐天師仔,天師仔好乖


Charco仔坐咗上阿姐部腦上面,要脅“無零食就無腦用”,哈哈


阿姐臨瞓前,Marble 仔好識 do 咁去黐咗阿姐一陣


星期五阿姐同啲舊同學去咗行山,我放工返屋企時,見到Charco仔係阿姐床,係咪等緊阿姐返o黎呢﹖


星期六,原本阿姐話去食拉麵,同老豆補祝父親節,因為父親節當日,阿姐同男友仔去咗Maryland 出海玩


但我見阿姐老豆鍾意食龍蝦,見過有間餐廳係 Hudson River, 81 碼頭専食龍蝦,叫阿姐上網search 吓呢間好唔好,點知阿姐話呢間餐廳好過癮,原來呢間餐廳係隻船上面,睇過個menu 啲嘢都幾啱食,咁就等仔仔爸返o黎問佢好唔好

等仔仔爸返o黎時,阿姐“壁咚” Marble仔,哈哈


仔仔爸返o黎又同意去呢間食,等佢沖埋涼就換衫出去

去到81 碼頭,就睇到隻船



船上層已經有好多人,仲好快會開船

隻船每一個鐘會出河兜一個圈


上船後,好快就開船,駛出去Hudson River, 睇到Manhattan 啲高樓大廈




最上層後面甲板就企、坐滿晒人係度欣賞景色


甲板前面就係order 食物



旁邊有展示新鮮海鮮o既艇仔



底層就有order 飲品同坐位



外面甲板都有位坐


我哋order 咗o既食物


個餐我哋要咗支紅酒


仔仔爸話順便再慶祝阿姐畢業,我就祝阿姐快啲搵到份高薪厚職


食飽就行出甲板睇Manhattan o既夜景,等回航上岸


今餐係我同阿姐一人一半o黎請仔仔爸,仔仔爸呢晚好開心呢

今朝起身我哋去食粥、炒麵,仲有腸粉


之後我同阿姐去行超市,因為屋企有包馬來咖喱醬料包,平時仔仔爸個胃唔好,唔食得辣,所以襯阿姐返o黎就叫阿姐整o黎食咗佢,所以我哋一齊去買材料



今晚都特登早啲煮飯食,等阿姐早啲楂車返去,驚會塞車搞到夜返

臨煮飯前,Charco仔又去“縲”阿姐比零食,仔仔爸話佢啱啱至比咗,咁因為阿姐仲未比,所以佢去搵阿姐扭零食,佢真係好蠱惑


咁下個星期日係表姐屋企開Party 至再見囉




2016年6月19日 星期日

新墊墊

就係見貓地成日攤地,所以就收埋廳嗰張貓床,開張貓友送o既貓草墊比佢哋



 天師仔最捧場







似唔似坐飛毡


之後到Marble仔,一瞓上去成個墊都遮晒咁滯,個肥身驅好有份量



有少少high 喎佢


Charco仔都有幫襯



懶有型咁,哈哈


天師仔好鍾意張墊,好鍾意埋去瞓,我特登放個貓草枕比佢做枕頭,怕嗰塊鐵會涼浸浸


都瞓得好舒服喎





2016年6月12日 星期日

熱、熱、熱

早個星期前,天氣開始熱,貓地開始成日攤地


平時我係房,天師仔多數係床陪我,但依家改咗係地下陪我



Marble仔最愛攤係個廳同走廊度





最搞笑係見過幾次佢朝早係個浴缸度



Charco仔一攤親地都鍾意反肚肚




o黎緊呢兩個月都會見到佢哋齊齊攤地o架喇