今日男友仔媽咪早機返賓州，佢哋一早要楂車o黎紐約機塲送機，阿姐見咁早，走o黎搵阿娘去食Lunch
比佢哋搵到位泊車，佢哋就上o黎，阿姐要見吓三貓
Marble仔唔理阿姐，只掛住望住阿姐男友仔，哈哈
仔仔爸要去洗衫，又話食完早餐無耐就唔去
我哋又去St. Mark 搵食，初初阿姐話去番嗰間泰菜食Lunch set，因為好抵食，但我想去食日本餐
之前我行過呢度見有Lunch set，所以建議o黎呢度試吓
只有呢兩款Lunch set
饅魚飯
吞拿魚飯
所以叫多個煙三文魚厚多士
一齊share 食
最後仲叫埋甜品
左邊係Black Sesame Créme Brulée，右邊係櫻花綠茶布甸，兩個都好味，唔太甜
男友仔襯我講緊電話就出手埋單，都算佢識Do，哈哈
食完飯佢哋兩個話想行博物館，我又費事佢哋兜來兜去，我就自己返屋企
下次見阿姐應該係7月3 號國慶日前夕，我哋會去New Jersey表姐度開party
Marble 仔竟然被靚仔吸引 hahahah~~~
回覆刪除佢可能心諗︰靚仔做咩唔入o黎摸吓我，哈哈
刪除又真係好靚仔喎，難怪要望多兩眼😁
回覆刪除Marble好似又肥咗喎😱
Marble仔想靚哥哥摸佢呢，點都忍唔到心軟要比零食，想唔肥都難，唉
刪除唔知點解唔比我留言, 所以試下o係小月e度留 :p
刪除個set lunch 碗飯份量咁少o既, 比我一定唔夠飽
份量唔算多，仲只有四少舊饅魚，要成$15，所以我覺得唔抵食，但啲甜品又真係幾得
刪除呢間日本餐睇嚟唔錯!
回覆刪除要成個月先再見到阿姐真係幾耐喎, 男朋友仔真係又靚仔又識做, 識得行外母政策!hhaha
我覺得啲lunch set唔抵食，得4 舊仔饅魚，但啲甜品就真係好得
刪除佢又真係好識做，我大伯教我要同阿姐講，要佢同靚仔洗腦，要佢第日養埋外父外母，哈哈
都預咗要成個月至見個女一次
呀姐嗰男友仔真係好識做.........走去埋單 , 睇嚟呢個靚仔都行埋岳母政策 , 你仲好受落呢 , 咔咔~!!
回覆刪除呢個靚仔真係一啲都唔孤寒，好闊綽，唔似得以前嗰個，我大伯教我要同阿姐講，要佢同靚仔洗腦，要佢第日養埋外父外母，哈哈
刪除哈哈........咁你有無咁做呢?
刪除我有同阿姐講，但唔知第日阿姐會唔會同男友仔講
刪除隔一陣見下面，大家更珍惜相敍時間
回覆刪除女生都係外向，點都係黐男朋友時間多啲
刪除呢餐幾正bor,仔仔爸唔嚟真可惜呢！
回覆刪除咁呢個月，妳又可以得閒D，當休息下lor! ;)
我成日都咁得閒o架啦，個女係屋企可以陪我煲電視劇吖嗎，無咗佢好屋企好靜
刪除I always wanna try this place, never did. Food looks good!
回覆刪除St. Mark真係好多嘢食，附近都唔算難搵車位，可以去試試
刪除祝端午節快樂！
回覆刪除端午節快樂，小心食糉食到腫，哈哈
刪除唔怕，今晚又食糉配鷄粥做晚餐呢。
刪除男友仔好識做又喎,夠大方合格^0^
回覆刪除呢個真係好識做，哈哈
刪除