孫女無儀態

阿姐又send 啲孫女相比我睇，呢張見到Macy  又坐得好無儀態，真係好鬼可愛

睇番之前阿姐影佢哋啲相，Mittens 成日都坐到咁，真係笑屎人

一舔肚仔啲毛就會坐成咁

兩母女一齊坐到咁可愛

佢哋又鍾意露出肚仔瞓覺，見到佢個毛肚肚，真係好想摸摸，同用塊面“質”落佢個肚度“卒”吓、索吓

哈，比人整蠱

Chewy 呢粒孫舔肚毛都係咁，不過佢瞓覺就唔會反晒肚

早排阿姐表妹都send 咗呢張相比我睇，Bubble 平時好怕陌生人，但係屋企又可以瞓到咁，證明佢係屋企覺得好安全，至可以瞓到咁完全放開

天師愛拍屁屁

平時我有睇開台灣人氣貓貓【黃阿瑪的後宮生活】，佢哋啲貓貓都好鍾意比人拍屁屁

我家的天師仔都好鍾意㗎，我一去厠所，佢就跟埋我入去，企係我前面要我幫佢拍屁屁

一係等係厠所，等我入去同佢拍屁屁

係床又要拍

 

係梳化又要拍

連Chewy 都鍾意拍屁屁，不過我唔敢拍佢好大力，怕整到佢，我多數同佢R 屁屁

其實奇奇同Marble 仔都鍾意，不過就無天師仔咁大癮囉

加州尋貓之旅 — 旅行前後

去加州前，阿姐返嚟嗰晚，阿姐帶咗啲零食嚟請貓地食

Mango 仔竟然唔食，不過平時食呢種零食，我係會“唧”出放係碟比佢哋食，Mango 仔都會食

咁天師仔不嬲都唔食呢種零食

Marble 同Charco 仔，仲有Chewy 都鍾意食

仲食到黐晒落下巴

旅行期間，阿姐男友仔都send 貓相比阿姐睇

話S'mores 好掛住阿娘呢

仲無晒心機

兩姊妹好耐都無試過一齊瞓係貓樹上，兩個一定好掛住阿娘啦

我哋坐機返到紐約係朝早，仔仔爸嚟接我哋時個天都仲未光，返到唐人街搵到間啱啱開門嘅粥舖，食埋早餐至返屋企，返到屋企，阿姐第一時間返房瞓覺

 到阿姐瞓醒，Chewy 主動上床黐住佢阿娘

又比佢阿娘同佢梳毛

仔仔爸買咗麵包返嚟比我哋食，Marble 仔又嚟為食呢

我就黐實Mango 仔

唉吔，Mango 仔好鬼Cute呀

又唔比阿姐摸，咬人

阿姐坐多陣我就陪佢去Subway 站，等佢早啲搭火車返屋企見佢四個囡囡

今次呢個Trip 真係玩得好開心，日日都見到有貓，多謝阿姐窩心嘅安排，係兩母女好難忘嘅回憶