Surprise 的生日

前日係我生日，阿姐一早Messenger 我同我講Happy birthday，仲Send 呢張相話阿B 未瞓醒，等佢瞓醒再搵我

當我係屋企食緊午飯嗰陣，有鎖匙開門聲，原來阿姐攞咗一日假，特登帶埋阿B 返嚟同我過生日，真係好Surprise 呢

坐火車

再轉巴士

已經係我屋企樓下

佢哋一直都未食嘢，我就陪佢哋去茶記食Lunch

買埋蛋撻、菠蘿包至返屋企

阿B 要我陪佢玩Match 咭

佢哋一返嚟，啲怕羞貓就匿埋晒，到咗貓地食罐頭餐時間，阿姐驚貓地唔敢出嚟食，所以帶咗阿B 出去買西餅

阿B 自己玩住手機瞓咗一陣

等公公放工返嚟，我哋一齊搭Subway 去Midtown 34 街韓國街食韓國嘢，阿姐搵到間韓式居酒屋

每Order 兩個主菜，就可以揀一個小食免費，我哋有兩個Free 小食

我成日都睇韓劇，韓國燒酒我去韓國時已試過，米酒就未試過，所以Order 燒酒同米酒一齊試吓，啲米酒甜甜的好好飲，啲燒酒飲唔晒帶番屋企，仲試溝燒啤飲

阿B 除咗聽到音樂會郁身郁勢扭Pat Pat，佢覺得啲嘢好食佢都會扭Pat Pat

阿B 鍾意飲嗰啲清湯

搭完Subway 行番屋企嗰陣，見到有班人係度玩樂隊演奏，我哋停低睇咗一陣，阿B 又聞樂起舞

食完飯返到屋企，一叫阿B 沖涼，佢自己即刻剝自己光豬，平時阿B 係屋企係用花洒沖涼，但係婆婆屋企，可以用盤沖涼，仲用Bubble，有玩具陪住沖涼，所以佢好鍾意係婆婆屋企沖涼

大家都沖晒涼就攞西餅出嚟食

阿B 同我一齊吹蠟燭，今年佢唔唱生日歌了

每年阿姐都會返嚟預早同我食生日飯，因為阿姐買咗10 月10 號船飛，返嚟一齊坐船去Bear Mountain 睇紅葉，所以都係諗住到時至補祝食生日飯，估唔到會有驚喜呢

再去玩多次

上個星期阿姐一家去咗嗰個大型Fair，為期4 個星期嘅Weekend，佢哋好早就買定飛，買飛嗰陣係預埋阿B 嫲嫲，但阿B 嫲嫲返咗老家仲未返嚟，見個暴風過咗又無點落雨，所以再去用埋張飛，而我哋紐約就落足3 日雨，出發前的阿B

一去到先買嘢食，阿姐話呢日啲食物攤檔同上個星期又唔同

呢個係西班牙鹹魚餅

用呢張飛嚟玩啲機動遊戲，之前啲Credit 都仲未用晒，用唔完可以留番出年再用

呢個星期有海獅表演睇

阿B 學揸牛奶

上次去阿姐係某攤檔買咗部蠟機同香蠟，今次又再去睇吓，想買畀阿B 嫲嫲，唔知係咪阿B 生得Cute，個檔主認得佢哋幫襯過，今次又幫襯，個檔主送咗呢條企鵝毛巾畀阿B ，阿B 沖涼攞嚟刷“老泥”，哈哈

呢日又清潔Biscuit 個籠，又放佢出嚟玩一陣

阿姐話阿B 自己塞咗兩個Pokemon Ball 入件衫入面，笑鬼屎佢

呢日買咗甜品食

呢朝阿姐見到Mittens 家姐肯上床陪阿B

阿B 醒咗黐埋佢度，佢都唔走

仲畀阿B 摸到好“梳乎”咁

呢個App 整啲嘢好搞笑

佢哋又出去Shopping

阿B 最開心就係睇玩具，扮晒Model 要媽咪同佢影相