貓地之日常

真係羨慕家中啲貓大帝，唔駛做，日日等我哋服待佢哋，每日只要等食、等疴、去玩、想hea就hea、想瞓就瞓

通常每日朝早，貓地都一早就起身，仲會等我哋起身

但有時，都仲見有貓未願起身

又或者已經起身，係度做緊早操，哈哈

一見仔仔爸入咗廚房，就知道準備早餐，哄晒係廚房

未聽到開罐罐聲時，五貓各自搵地方等，大家搵得齊五貓嗎﹖

一食飽Marble 仔又匿係浴缸

有時就返梳化再瞓過，唔怪得佢咁鬼肥啦

有時連天師仔都上梳化陪Marble 仔瞓

Charco仔一食飽就攤地

有時會坐上電腦椅，或者係電腦椅頂，避開奇奇

奇哥仔朝早唔會食太多罐頭，所以好快又等放乾糧

食飽就返個籃度hea

有時我仲未夠鐘出門口返工，佢哋又要出走廊行吓

Chewy要仲未太敢行出去，就算敢都只係行到轉角處度裝吓

我諗當我哋返晒工唔係屋企，貓地一定係各自搵地方hea

到我收工返到屋企，有時會有貓迎接，但有時又無，我都要週圍去搵貓

當我搞掂餵完佢哋食雞肉罐罐餐，沖埋涼，就開始做自已嘢

會睇吓報紙，睇，佢哋又o黎搞住晒啦，唉

之後我會開電腦上網，有貓係床陪住

同Chewy玩吓

到我哋食晚飯嗰陣，通常Chewy 都係阿姐床度瞓覺

 

到咗星期日放假，我都會瞓得比較晏，某朝我起身，見到Chewy 瞓係床尾，睇佢個樣都仲未瞓醒

有時早起去個厠所，一落床見到有貓瞓係床邊貓床瞓，仲未起身

好多時到我食早餐時，Marble仔又要o黎R 食

通常星期日都好少出外，多留係屋企，有時下午會出廳睇機頂盒電視，通常Marble仔又會o黎梳化瞓兼陪我

瞓到仲脷，仲發夢週身郁

但有時佢哋會入房上床瞓

或者我留係房上網，都有貓上床瞓兼陪住我，我仲會閂燈唔“橙”住佢哋瞓

到食完晚飯，洗好碗，多數都係繼續留係廳追電視劇，有時Marble仔又黐住我睇電視，其他貓都留係廳度hea

 

擦完牙，返房瞓，有時會見到有貓地已經瞓住等

但呢張相係，當我一上床，兩貓又走晒了

基本上，貓地每日都係咁過，有貓黐實時就覺好溫馨，有貓頑皮搞蛋時，覺得好玩又得意

養貓地都已經有十年，真係想像唔到，如果家中無貓會係變成點