相中兩隻貓，男友仔話係同胎，長毛嗰隻係女仔，黃色嗰隻係男仔
男友仔就最鍾意黃色隻囝囝，因為佢覺得佢好純，一啲都唔惡，隻女仔貓就惡啲
男友仔一直都有餵佢哋，而且佢仲會比隻黃貓入佢間房
阿姐初初識男友仔時，男友仔話想收養黃貓，阿姐教佢買張貓床比佢，等佢習慣留係佢間房
男友仔話去完個course 返屋企，就會正式收養黃貓，阿姐仲話會幫手帶佢去絶育、打針
男友仔臨過州前，阿姐去佢屋企探過黃貓，阿姐仲帶咗啲零食比佢食
佢嗅到啲零食了
但當男友仔讀完個course 返o黎之後，黃貓就唔見咗了，估計係比鄰居收養咗
依家唯有餵貓女，但男友仔怕佢惡，無打算收養佢
隻貓女真係好靚女
貓女好靚女！
回覆刪除係呀，佢真係好靚女o架，仲細細粒，好“的骰”
刪除貓女通常又真係惡D架, 有人話因為貓世界以男性為主, 要保護自己, 佢地就會表現出惡嘅一面, 唔知呢個講法真定假
回覆刪除流浪貓要保護自己，惡係應該的
刪除隻女真係幾靚，我都覺得貓女通常大膽同惡d，要求生又要保護仔女，無計啦！
回覆刪除可能都係
刪除很有愛心的男友仔
回覆刪除但我覺得佢唔得大愛囉
刪除嘩，「同胎」係咪即係龍鳳? 好得意呀~~
回覆刪除兩隻唔似樣嘅? 女仔果隻好靚呀~ ^V^
哎呀，男仔比人收養左，咁佢地兄妹咪要分開嚕? 嗚嗚....><"
聽男友仔講佢媽媽生咗四隻，兩黃、一黑白、一長毛
刪除唔只兄弟姊妹要分開，依家仲要同媽媽分開o忝