蘭州拉麵

呢朝早我起床出廳見到班貓地

其他幾隻

阿姐要早起身開工

阿B 起咗身，黃糖、黑糖又匿晒係床下底

其實黑糖幾日以嚟都係一直匿係床下底

食咗Lunch，見咁無聊，之前買咗樣嘢“神神地”，諗住攞去退貨，退貨間舖頭都係喺屋企附近，我就帶阿B 出去順便行吓，畀阿姐専心做嘢，係退貨間店舖，阿B 可以睇吓玩具

買咗包糖同Juice 畀佢，經過公園仔又同佢玩一陣

阿B 沖完涼又摷麵包食

阿B 睇睇吓手機又頂唔順瞓著咗

食完晚飯，Mango 仔又嚟黐住阿姐

呢朝阿姐起床，見到班貓地係晒走廊，佢試吓用零食嚟賄賂貓地

到咗3 點，下午茶時間，阿姐想食菠蘿包同蛋撻，阿B 話自己係公主，要帶埋佢去買麵包

阿B 見到啲豆沙燒餅，佢話想要，又真係幾好食，阿B 都鍾意食

雖然食咗麵包，晚餐阿B 都有好好食飯，因為又有佢鍾意食嘅滷水蛋，佢好鍾意食雞蛋

班貓地畀阿姐賄賂過，依家無咁驚阿姐，佢哋見到阿姐都有啲期待

阿B 係度咁多日，每日都霸住個電視要睇Stitch

呢朝早啲貓地等阿姐派零食﹖花生︰都無零食既

Mocha 嚟霸住咗張床褥，搞到無得推番張床褥去走廊，Mocha 又肯畀阿B 抽水

麵包做早餐

阿姐又嘗試用零食嚟引黑糖，黑糖都抵擋唔到零食嘅誘惑

Lunch 我去買咗個麻辣香鍋同阿姐一齊食，阿B 唔食得，我就買個鍋貼畀佢食

又到3 點鐘，帶阿B 出街行吓，去咗唐人雜貨舖，阿B 又買糖同朱古力食

話說某日阿B 係屋企玩緊“鬼口水”

阿姐覺得佢似係度玩手拉拉麵，問唐人街有無唐人餐館有手拉拉麵，咁唐人街真係有喎，不過上次阿姐返嚟嗰陣無時間去試，所以今次返嚟帶佢去試吓，畀阿B 睇吓人哋點樣整拉麵，等公公收工返嚟就行過去唐人街

呢間蘭州拉面，成日都排長龍，所以都唔敢揀Weekend 去，特登揀閒日去，但呢日都要排吓隊，阿B 等位期間又瞓咗覺，無計，佢係屋企又唔願瞓晏覺

有坐位就摷醒佢，特登要坐吧枱位，睇師傅整拉麵

我又覺得唔係咁好食，其實唔係諗住帶阿B 嚟睇手拉拉麵，都無諗過嚟試，真係唔明點解咁多人要嚟排隊食