Charco 仔不嬲都係隻唔多主動黐人嘅貓,除咗想要食零食,或者想人餵乾糧,至會搵人,佢鍾意人用手餵佢食乾糧,但有時又鍾意人一粒一粒咁餵佢食
一般佢會坐定係人面前望實人咁係度等
依家佢已經慢慢咁接近我,由坐係旁邊等
到依家黐實我嚟等,再伏係我身上等
佢仲會搓我個肚腩
敏姐佢依家兩隻貓,都係已經年老同有病,醫生需要佢哋食啲老貓糧,所以我需要幫佢上網訂啲老貓糧
但有次奇哥八卦,仲要去咬穿咗袋乾糧,咁唯有留番畀自己啲貓食
依家天師仔又唔食乾糧,其他貓又可能未夠年齡食呢種糧,所以依家只畀Charco 仔食
試過為食Mango 仔嚟搶糧食,但食完之後又疴爛便,所以唔敢畀佢食,平時天師仔成日扭罐頭食,但每次都唔會食乾淨,Charco 仔每次襯大佬唔食,就走去執手尾兼幫手洗碟
難得Charco 仔依家咁親近我,所以我通常都畀佢黐一陣,至餵佢食嘢,我覺得佢年紀越大就越溫純,脾氣又好咗,又肯畀人摸,都無再咬人,真係好
人老咗貓老咗
回覆刪除脾氣都會變
同佢小時候真係好唔同
刪除互相癡實特別有安全感💓!
回覆刪除我就最鍾意貓地黐住我
刪除Charco仔的舉動好窩心。
回覆刪除Charco 係個清碟好幫手
回覆刪除以前洗碟最叻係Marble 仔
刪除我隻豆豉哥都係洗碗高手 😂
回覆刪除唔畀人摸 (我係都要摸 🤣), 抱更加唔得, 又鍾意咬人 😥 佢老咗會唔會温馴呢 🤔
“唔畀人摸 (我係都要摸 🤣), 抱更加唔得, 又鍾意咬人”,唔畀人摸同鍾意咬人都同Mango 仔好似,不過呢隻仔有時又會主動黐實人
刪除年紀太咗性情也變。
回覆刪除變得黐人真係好呢
刪除