星期六阿姐公司有Party，所以佢哋完咗個party 至返嚟，Sundae & S'mores 個前主人又話想去，所以就跟埋嚟，我無諗住佢哋會早返到紐約，所以無預佢哋食晚餐，佢哋嚟到放低啲嘢，佢哋就去咗唐人街食飯
星期日朝早去唐人街飲茶，出門口前，天師仔同奇哥仔係咁八人哋啲袋，係唔捨得人哋走嗎
Mango 仔就坐住我個袋，唔比我出街
阿姐乘機抱起佢抽水
依家呢間茶樓仔啲點心差咗好多，服務仲差，以後都唔會再幫襯
飲完茶我哋就出發去New Jersey，之前我又send 咗 message 比我個舊同事Amy，即係屁屁個主人，問佢有無興趣去睇，點知我哋出車無耐，Amy 就send message 問我有無去貓展，我答佢︰on the way now，佢覆番我話︰Me 2 哈哈，咁我哋就係會場相見
入場費要$15
一入去做緊個貓種類介紹，而且已經見到Amy 同佢男友坐定定係度聽緊，我就只係猛咁去睇貓
呢隻豹貓好鬼活潑，郁來郁去好難影到張正面相
去得睇貓展都應該係愛貓之人，在場見唔少人都著咗有貓圖樣嘅衫，其實我當時都係著咗件有貓公仔嘅 T 恤
見到有人好大方，帶埋愛貓去比人抽水，哈哈
佢好可愛呢
影咗好多貓相呀，所以要分幾篇
To be continue…
芒果哥真係發福左D噃
回覆刪除唔係點叫做肥GO
刪除有共同喜愛的朋友真係難得。 紐約仲有大包賣？
回覆刪除嗰個係义燒包o黎，佢係段個賣，唔係一籠計，所以比較大個
刪除好多小可愛！
回覆刪除之後見到仲多呀
刪除上個月阿姐send 個message 問我去唔去Cat Expo，我答︰妳帶我咪去囉<----全世界阿媽都中意咁答, 因為我阿問親咩都係咁答..HAHAHA
回覆刪除個貓展有無D咩抵嘢買架?
無計啦，依家要跟個女至有街去，做老豆嗰個話唔去就唔去
刪除都無咩留意有無嘢抵買，阿姐幫襯咗啲領養組織買啲貓香草枕、貓小飾物咁囉
生女好，幾貼(窩)心！:)
回覆刪除啲貓主好勁喎，可以係手抱自己啲貓，啲貓又咁定同乖。
所以我鍾意女，咁個幾都算幾孝順
刪除大多數名種貓都唔怕人，而且要自細帶慣佢哋出街，佢哋就唔怕會好定
芒仔肥咗好多
回覆刪除變成呂宋芒
佢個肚腩又圓又實，再遲啲變“巨芒”，哈哈
刪除us$15都幾貴,好似齋睇無野買喎!
回覆刪除$15其實都貴架，有其他嘢賣，不過我仲未講到
刪除