善變的貓地

貓地除咗愛貪新鮮之外，其實都好善變，睇佢哋揀瞓覺嘅地方就知

好似Mango 仔早排好鍾意瞓呢張貓床

但之後又唔鍾意了，鍾意瞓呢間屋仔

 Minnie 又係好鍾意瞓呢間貓屋

比Minnie 霸咗，Mango 仔又要去爭番

自從間貓屋比Minnie 霸咗，佢又唔瞓嗰張貓床，咁夜晚佢又多咗返房同我瞓

但有時我一上床瞓，佢又走咗去張櫈度瞓

Chewy 一般都係鍾意瞓走廊張床褥頂，一係就係我張床度捐入被度瞓

但近排佢又鍾意瞓係放襪個箱度

Mango 仔見Chewy 瞓得咁舒服，佢又要去試吓

其他貓都好正常，天師仔繼續瞓佢呢張貓床

如果佢張貓床比Charco 仔瞓咗，佢會讓比佢，佢自己就瞓梳化，或者係其他地方

但如果張床比Mango 仔瞓咗，佢又會打走佢唔比佢瞓

Charco 仔、Marble 仔、奇哥都比較正常，都係瞓返平時瞓開嘅地方

我將收係衣櫃裡面個滕籃用件T 恤包住，得奇哥去寵幸過幾次

大白天Mango 仔仍然愛瞓呢幾笪地方

Minnie 都係一樣囉，佢好鍾意係張電腦椅度瞓，同仔仔爸爭櫈

但係夜晚我哋臨瞓前，佢又好鍾意瞓厠所塊布度