Mocha絶育後

 Mocha 絶育後幾日，佢都無咩點出過間房，我都畀佢靜靜休息

 

見佢跳上衣櫃頂，都驚佢會整到傷口

4 日後佢開始肯出房，但最多都係留係走廊度 

但朝早佢又忍唔住出嚟等早餐

夜晚佢又會嘗試出嚟週圍八，會飲水機啲水

有時我又氹到佢出嚟黐吓我

但日抖，佢都係鍾意留係房度，有嘗試連貓帶貓床抱佢去梳化陪我，但佢好快又走番入房

開始攞走房裡面個貓厠所，等佢自己出嚟去大小便，佢始終都係鍾意留係房多啲，我入房陪佢佢又好開心咁黐實我

佢開始每朝走出嚟等早餐，畀佢試吓出嚟食

平時佢唔敢出廳時，佢好鍾意呢舊芝士貓抓柱

有一晚我入房瞓時見佢瞓咗入舊芝士度，仲以為佢會係度瞓，點知我上咗床無耐，佢就走上床黐住我瞓

日抖佢都係鍾意匿係房瞓多啲，我都試過幾次引佢去陪我，但佢都好快走番入房

又早幾日前開始，佢係我哋食晚飯嘅時候，就主動走出嚟

佢嗅到啲玩具有貓草味，佢high high 地

佢個傷口應該已經唔再痛，所以佢依家每朝keep 住肯出嚟等早餐，我哋食晚飯時，佢又keep 住出嚟行吓

打算下個星期一開始，撤走埋房裡面個糧食兜，等佢出嚟食乾糧同飲水