過咗第一晚,朝早開餐,好開胃,見佢鍾意食濕糧多啲,啲乾糧無咩點食,又可能仲未習慣
貓地成日入嚟睇佢
佢真係好黐我,一叫就嚟
我就成日入房陪住佢,搬埋部Laptop 入房,一邊煲韓劇,一邊陪住佢
Chewy 成日走入嚟裝佢
第二朝,我攞早餐入房,一邊食、一邊黐實佢
頭兩日佢見到仔仔爸都仲有啲驚,仔仔爸都唔太敢埋佢身,怕嚇親佢,仔仔爸輕輕幫佢冚毛毡佢又無抗拒
當我係度,佢又唔太怕畀仔仔爸黐
仔仔爸同佢梳毛,佢鍾意
如果我唔係房,佢多數返貓床度瞓
見佢比較少食乾糧,所以會額外畀多啲濕糧佢食
嘗試畀佢出房探索,佢離遠見到有貓,都唔敢再行出啲,八咗一陣就返入房,唔敢再出嚟
其實我只兩晚閂門瞓覺,第三日房間已經完全開放,所以其他貓地可以自由出入,所以初初佢見到都驚咗佢哋
為食Mango 仔成日入嚟食人哋啲乾糧
無貓入嚟佢至比較自在
觀察咗兩日,覺得佢一啲都唔似懷孕,所以諗吓幫佢改過咩名,除咗Minnie 個名係我改之外,其他貓地個名都係阿姐改的,我又問阿姐改咩名,佢諗咗幾個我都唔鍾意,我之前諗咗幾個名,但啲音同Chewy、Minnie 差唔多,又覺得唔係咁好,再諗過嗰啲,一係阿姐覺得唔襯佢,一係其他人都唔鍾意,平時仔仔對改名都無意見,我哋決定就好,某朝我話不如叫Mocha,呢個名唔知點解仔仔爸好鍾意,可能覺得個名似佢啲顏色,所以就決定用呢個名,咁啱阿姐同姑仔都鍾意喎,佢係入門第八隻貓,所以佢小名叫八妹
呢日直至我哋食完飯休息睇電視,我哋尤得佢係房無理佢,但佢又瞓夠又無聊想搵人陪,係度猛叫,我就試吓叫佢引佢出嚟,初初唔夠膽行出嚟
後來終於肯出嚟,可能出到嚟又唔見其他貓,所以肯週圍行,週圍八
爸爸抱佢坐大髀,又肯,仔仔爸要同佢增進感情
睇樣佢應該夠6個月以上
回覆刪除盡快desex吧
好快變肥婆八妹
係呀佢已經發情喇,約咗聽日去絶育,佢變肥妹仔實好得意
刪除靚女八妹終於肯坐仔仔爸大脾 😘
回覆刪除仔仔爸比佢抓到咁傷, 當係補償la 😁
捉親貓都預咗有傷,都習慣了,依家佢唔怕爸爸啦,爸爸仲成日抱吓佢
刪除開頭要適應下環境, 要時間啦
回覆刪除八妹又幾靚女呀
佢算適應得好快呢,暫時佢都情願係房,夜晚至出嚟搵人錫
刪除Mocha咁癡身,冧爆呀😻😻
回覆刪除暫時都鍾意黐人,希望佢態度無變,我都成日畀貓“坤”,哈哈
刪除令人冧滋滋的Mocha。
回覆刪除佢真係好親人,咁親人點可以畀佢做流浪貓
刪除