早幾日，佢都開始食少咗，平時唔會主動飲水嘅佢，見佢走去水機同水兜度飲水
佢仲肚餓，仍然想食，會想我畀嘢佢食
夜晚成晚瞓係砂盤入面
前日開始，肉泥罐頭、雞肉，都只舔晒啲汁，好想佢食多啲，不停哄佢食
嘗試畀吱吱肉醬條，佢都肯食，但都要哄佢食
上面條片，都見佢開始行路都無咩力，飲得水份多，佢成日都會去小便，連小便都開始無力，已經兩三日見佢想大便，都大唔出，就算有都只係疴得好少
佢小便完都留係吵盤唔走，我就抱佢出去，都覺得佢應該時日無多，都盡量陪住佢
呢日仔仔爸放工返嚟，見佢瞓係砂盤，我叫抱佢出嚟，一抱佢出嚟，佢又要走番入去，仔仔爸話佢覺得舒服就由得佢，我攞雞汁畀佢，佢已經唔想再食嘢
見佢都已經好虛弱，仔仔爸都話，呢個星期嗅到佢面上臭味已經好濃，應該係佢啲肉臟都已經畀癌細胞腐蝕
我哋臨瞓前幫佢清乾淨砂盤，幫佢抺走咀上啲貓砂
真係成晚都瞓唔著，我不停出去摸吓佢，陪吓佢，同佢講如果辛苦就唔好撑，去到彩虹橋要搵番Marble 仔同Shadow 仔，仲叫佢唔好咁cool，要去識多啲朋友仔
尋日一早就起身，出去望吓佢佢仲有呼吸，不過無耐，仔仔爸就話我知佢已經走咗，佢真係好乖，等我哋起身，見埋我哋最後一面至走，仔仔爸就幫佢清潔身體，身體已經僵硬咗
見到瘦到皮包骨，真係好心痛，之後通知阿姐，叫佢打去診所問收遺體火化嘅問題
最後我再抱抱佢，放佢入貓袋裡面
其實我係個好性急嘅人嚟，平時我行路好快，但我帶住天師仔去診所呢段路我行得好慢，我要真惜陪住佢最後呢段嘅路程
診所姑娘要帶走，我真係好唔捨得
步出診所，經過公園，坐低要平復吓心情
前日心血來潮，同佢影咗張合照，係我同佢最後嘅合影
呢張係仔仔爸同佢最後嘅合照，4 月時影
呢張係阿姐同佢最後嘅合影，已經係舊年12月時
呢張係上個月時影嘅天師仔
其實都慶幸天師仔如我哋所願佢自己走，真係唔希望佢好似Marble 仔咁，要我親手送走佢，見佢走時都唔係好辛苦
天師仔，同你相遇14 年，入室陪伴13年，多謝你曾經讓我愛你、照顧你，爸爸媽媽，阿姐永遠都會懷念你
祝願天師仔一路好走🙏🏻🙏🏻，仔仔媽一家也請好好保重💜💜。
回覆刪除因為唔係第一次，無Marble 仔嗰陣咁慘，始終有啲心理準備，都無咁sad，咁當然諗起一定眼濕
刪除能夠在家中走是福份
回覆刪除當然不捨
但捱病痛佢自己勁辛苦
但又講唔到
到彩虹橋可以同其他貓狗一齊玩一齊食
見翻舊相識老友
識下新朋友
都係好事
天師仔, wish you well
真係慶幸係屋企離開，依家唔駛照顧，清閒咗，反而唔係好慣
刪除聽到呢個消息, 真的 so sad
回覆刪除同時想起 Rouquin, 當時我都一樣同佢講, 要走就走, 唔好因為掛住我地撐落去
天師仔現在係彩虹橋, 應該生活得再無痛楚
佢唔駛再受病痛都係好事，依家唔駛照顧佢，清閒咗，反而唔係好慣
刪除我都覺得能夠在家離去係福氣 🌹
回覆刪除天師仔有愛錫牠的家人, 是帶著幸福到彩虹橋, 無憾了 😺
仔仔媽, 仔仔爸和阿姐保重。
天師仔 RIP 💐
真係慶幸係屋企離開，依家唔駛照顧佢，清閒咗，反而唔係好慣
刪除不要傷心太久！天師仔會擔心妳架！
回覆刪除比起Marble 仔走嗰陣，今次已經無傷心咁耐，但一諗起佢都仲會眼濕
刪除RIP 天師仔！🙏
回覆刪除依家唔駛服侍佢，清閒咗好多，唔係好習慣
刪除