Mocha絶育了

Mocha 嚟到屋企，佢成日叫人，覺得佢係隻多嘢講嘅貓，後來仲越來越嘈，原來佢係開始發情

見佢會舔自己嘅私處，碌來碌去，又親人叫人要摸pat pat 

見佢pat pat 位有兩粒肉，連啲顏色都似係男仔粒蛋蛋，哈哈

一見佢發情，就即刻上網查ASPCA 絶育車嘅時間同地點，點知原來 9月份開始，因為人手不足絶育車已經暫時停止，問私家診所價錢真係勁貴，咁我姑仔幫我打去唐人街，佢領養Bubble 嗰間Aminal Haven Shelter 度問，佢哋咁啱幾日後約咗ASPCA 幫佢哋啲貓絶育，可以畀個位我帶Mocha 去絶育

都係要一早去放低佢，原來仲有其他人同我一樣，帶貓、狗去絶育

入門口前見到裡面有隻大狗

要6 點後至可以去接番佢，好多人同我一樣嚟等接番啲寶貝

Shelter 裡面待領嘅貓狗

啲待領貓入面，圖中中間左邊隻貓個樣同神情都好似天師仔

接咗Mocha 見佢個樣都好清醒，一入屋，其他貓嚟八卦佢

除咗個頭罩畀嘢佢食，好肚餓呢

個傷口好細好靚

 

諗住幫佢帶個軟身頭罩，但個頭罩個size 大咗唔啱佢，畀佢好快就搵嘢整甩咗，見佢仲跳咗上櫃頂

我哋食完飯入房陪吓佢，仍然咁黐人，諗住陪住佢，唔駛佢帶頭罩唔舒服

放佢出去行吓，佢都唔敢出去

之前都見佢啲乳頭都好凸

呢晚困佢係房，係怕其他貓入嚟騷擾佢，成晚佢都黐住我瞓，好sweet，見佢好乖，無舔傷口，又唔會週圍去走動，所以已經無畀頭罩佢帶，之後佢幾乎無出過房，除咗食嘢，就成日係貓床度瞓，我尋日特登係房用電腦煲劇，就連貓床帶貓帶入房陪住佢

依家我又出呢篇Blog，又帶佢入房陪住佢

ASPCA 個報告話佢大約有三歲，如果佢真係有三歲，佢起碼已經受發情苦兩年幾了，真係陰公豬，好彩佢依家唔駛再受呢啲苦

開頭我咪話佢係隻多嘢講嘅貓 ，之但係絶完育返嚟，佢已經一句聲都無出過