天師仔派來的天使

仔仔爸一星期有兩日會放啲乾糧去屋村garden 畀啲流浪貓，其實仲有其他人會餵會放糧的，依家garden 好似得番一隻三色貓，呢隻三色貓係度起碼都有5 年了，佢係隻怕人貓

天師仔離開前幾日，仔仔爸發現多一隻三色貓，佢見呢隻三色貓唔太怕人，見佢畀某一個餵貓人摸，仔仔爸見佢咁親人，又聽敏姐講佢好似係懷孕貓，所以仔仔爸打算捉佢帶佢去Shelter，所以仔仔爸開始每日帶罐頭引佢，嘗試同佢混熟，仔仔爸話當佢食緊嘢嗰陣，三色貓都畀佢摸，呢日係天師仔離世嗰日的黃昏

呢日星期日，我同阿姐跟埋仔仔爸去睇吓佢，仔仔爸搖吓個乾糧盒，佢一聽到聲就走出嚟

好靚女呢，我叫吓佢，佢仲埋嚟哄我，畀我摸呢，佢仲係第一次見我咋

 

 

另一日，我同阿姐出發搭地鐵去Midtown 食lunch 前，去睇吓佢

仔仔爸見佢咁親人，想快啲帶佢返屋企，見聽日係星期日，諗住可以全日照顧，就帶定個貓籠返工，放工去捉，最後捉唔到入籠失敗咗，仔仔爸要車阿姐同未來女婿去Midtown之後，拍好架車係停車場前，call 定我去garden 等佢，因為諗住徒手捉，怕捉到佢無手開大廈門，當我去到garden 時，仔仔爸已經到咗，用罐頭引到佢出嚟，不過可能佢記得仔仔爸之前捉過佢，對仔仔爸有戒心，我就離遠望佢，但佢又離遠同我對望，仔仔爸叫我去叫佢，當我入去，仔仔爸行出去，三色貓初時都怕怕地，後來都肯埋嚟畀我摸吓，但又有戒心咁又行開，來來回回幾次埋嚟畀我摸，我襯佢背住我，我就一嘢抱起佢，交畀仔仔爸用毛巾包住，就一齊跑返屋企

一返到屋企，就放入厠所，佢第一時間跳上窗台，佢不停咁望住窗外面

先幫佢剪咗指甲先，剪甲時佢勁乖呢

剪完指甲佢又匿入砂盤

但沖涼就扎掙得好厲害

抱佢跑返屋企時，佢好掙扎，抓到仔仔一手損晒

之後帶佢返入房抺身佢又好乖，有少少驚匿入床底，不過佢都算好快放鬆，睇佢咁快就係貓床度搓搓搓

奇哥入嚟八卦嚇親佢呢

Chewy、Minnie 嚟八呢條新女

原先呢晚諗住等佢自己係房過夜，當我半夜起身入去睇吓佢，見佢跳咗上床度，我一坐埋去佢又不停咁哄住黐住我，我就決定同佢一齊瞓，佢初時係黐住我瞓，後來佢自己瞓咗去床尾

Chewy 又乘機走入嚟睇佢，睇吓佢咁幾黐我

我睇佢唔似大咗肚，我哋都一早講定，如果佢唔係懷孕，就收編自己養，阿姐話佢係天師仔派嚟畀我，佢知道我想要一隻三色貓，畀佢安慰我，等我唔駛為佢離開而太難過