出關了

紐約州由5 月尾開始，慢慢開始恢復，由某啲性質公司開始復工，仔仔爸都已經復工一個月，我一襯仔仔爸返工，就已經忍唔住出街行吓，當時仲有好多店舖都仲未復開

比我見番啲舖頭貓

呢隻係菜檔貓，又係好似天師仔，比天師仔肥

見好多舖頭都有口罩賣

我每次我出街都會帶口罩，其實想唔帶都唔得，因為大部份店舖都要求帶咗口罩至可以進入，尤其係超市同食肆，食肆餐館都仲未可以開放堂食

 5月份時美國發生警察殺死黑裔犯人事件，所以近來都成日有遊行示威活動

咁啱我屋企對面就係警察總部，所以都有幾次遊行示威活動，都特登嚟示威，好彩係和平示威，吶喊示威一輪就遊行去其他地方

6 月中開始多番好多店舖開口，仔仔爸行過酒舖，酒舖都已經開番，但唔見酒舖貓Mickey，而見到另一隻黃貓，唔知Mickey 係咪已經唔係度呢

唔知係咪因為呢個疫情嚴重，好多人都無工做，尤其係啲黑裔、西班牙裔、墨西哥裔啲人，近呢幾個月，係唐人街都發生咗幾單黑裔搶錢打人事件，每次出街，都要提高警覺，見到啲黑裔、homeless，都要避之則吉

每年7月份，係阿姐表姐個二仔生日，每年表姐屋企都會搞party，見近排疫情比早前隠定，咁啱叔仔個女16 歳生日，咁就搵呢個做籍口，去表姐屋企搞番個party，平時搞親party，表姐都唔介意其他人帶埋同學朋友嚟參加，但今次就只叫家族成員參加，咁我又可以見到幾個月無見嘅阿姐

又係仔仔爸呢位阿叔負責燒嘢食，但當日實在太熱，對燒烤啲食物我都無咩興趣

小嬸好多時都負責整生果沙律，佢話啲龍蝦好平，所以今次整咗龍蝦沙律，正呀，食唔晒，我仲打包晒返屋企呢

呢幾個月人人無工開，個個留係屋企都嘗試整嘢食，(除咗我，哈哈)，阿姐表姐個姑仔就成日係屋企整麵包西餅，見下面啲香腸包同啲卷蛋蛋糕都係出至佢手

都唔知下次見阿姐會係幾時呢，唉