激流划艇

繼續講係Pennsylvania 嘅遊記，朝早去食老番早餐

呢個旅行我哋最主要就係想玩呢個划艇

去集合地點嗰度環境都幾靚，我哋著好晒救生衣，攞好晒啲裝備，聽完講解，就坐上校巴，車我哋出發去划艇嘅地點

原來就係我哋尋日坐完火車，行去河邊嗰度，佢哋已經搬好晒啲橡皮艇係度，初初划嘅時候都有啲“乸手唔成勢”，慢慢划落至順手啲，其實條河都係間中有啲激流，唔算好刺激，而且條河都唔係好深水

間中會停低抖吓，可以落河游吓水，仲會有lunch 時間，上岸畀大家食自己帶嘅食物，啲後生仔女，老番仲係度潑水打水戰，玩到癲晒，都玩成幾個鐘頭至上岸，再坐校巴返出發嘅地方沖洗換衫

之後我哋就去食晚飯，尋晚我哋係搵到呢間食晚飯，原來要預約，所以我哋book 定今晚食

食飽就返酒店沖涼瞓覺，第二朝都係去食老番早餐

之後去咗一間買古董嘅舖頭睇下，姑仔個同事鍾意睇啲舊物，都畀佢買到嘢

之後我哋回程揸去New Jersey，去發明家愛廸生間工廠度睇吓

門票包埋去愛廸生間故居，自己揸5 分鐘車程就到

兩夫妻都葬係屋後面

之後搵地方食個早晚飯，食咗幾餐西餐，唔想再食西餐，搵咗間食拉麵

食完飯就結束呢三日兩夜之旅

閨蜜聚

上個星期六，阿姐約咗佢兩個閨蜜聚吓，同Brittany 去麻省Kayla 屋企玩

阿B 又可以同Brittany 個女一齊玩

仲有Kayla 隻狗狗Atticus，佢好nice 

兩個小朋友都玩得好開心

阿B 係度撩鼻鼻，核突

之後佢哋趕去湊Motita 同 Bijou，呢個星期最後一日，要到下個Weekend 至再去

另外又接咗另一隻貓嘅 Job，佢叫Matilda，係隻好怕羞嘅貓

到咗Sunday，佢哋一家三口又出動去睇魚買魚魚，去咗兩間店舖，一間有貓貓，一間有狗狗

又去Shopping，之後去咗嫲嫲屋企食飯

其實呢日朝早阿B 都有啲唔舒服，已經食咗藥至出街，去到嫲嫲度食咗少少嘢就嘔

第二朝佢好早就醒咗係度喊，話要用貓頭樽嚟飲 juice，又唔肯食藥，阿姐氹佢話食咗藥就畀冰冰條佢食，之後佢睇咗陣手機就瞓咗覺

去湊Matilda

阿B 肯食藥已經好番好多，同我Video call時都好精靈

最後一日去湊Matilda