又有新玩具

阿姐好多時買落好多嘢，但都無攞出嚟用，好似呢盒貓抓板玩具，阿姐應該係兩年前買落，依家至開出嚟畀貓地玩

阿B 係為食貓、百厭星

又係厠所開水畀阿B 玩

近排Sundae 家姐都好黐阿B，又肯畀阿B 搞佢

阿B 食親嘢都係咁滋味，仲有爹哋餵

阿姐又接收街坊啲舊玩具，有新玩具玩，阿B 好開心

阿姐話阿B 好鍾意玩BB 遊戲，餵公仔飲嘢，食嘢，好得意

阿B 好鍾意爹哋買呢個大雪球，佢show 畀啲貓家姐睇

平時只有阿B 黐埋去Sundae 家姐度，呢日難得阿B 瞓咗覺，Sundae 主動黐埋去阿B 度

阿姐整呢個都幾得意

阿B 好鍾意食魚蛋、魚腐，阿姐話有日佢整咗5 粒魚腐，畀咗兩粒佢食，佢食完仲想食，畀埋其餘嗰3 粒佢，佢食完之後，佢望住媽咪問仲有無

阿姐話阿B 瞓醒又搞搞震，搞到佢都做唔到嘢

有朋友寄咗啲聖誕禮物畀佢哋，阿B 幫手開箱，見到係杯，佢識講Cup Cup，仲有兩件新衫呢

有得食、有得玩，呢個係開心Baby

係Basement，阿B 係度扭計，咁爹哋抱咗阿B 返房，仲有貓家姐陪住佢

阿姐又買咗新玩具畀佢，阿B 又幫手砌

阿B 真係越嚟越多玩具

感恩節後

阿姐幫隻貓餵完藥之後，約咗阿B 嫲嫲去行Outlet Shopping，阿B 就開心啦，又有Popcorn、又有雪糕食

做咩阿B 又要搵公公呢

之後去咗嫲嫲屋企玩

阿B 玩到唔願走，所以阿姐自己去湊貓，去湊April 

我女婿好鍾意Polar Bear，所以佢今年買咗個聖誕燈飾放係屋企

Coca-Cola 個廣告係Pola Bear 飲可樂，阿B 又示範吓

第二日去湊Abby，一入屋見到Abby，不過佢好快又匿埋

再去Ingrid、Charlemagne 屋企

去埋April 屋企

見到人家門口張地毡，去指雀雀

阿B 會幫手攞啲垃圾去丟

之後去Shopping

哈，瞓著咗

之後去嫲嫲屋企睇魚魚

呢朝早，有Macy 家姐錫錫，阿B︰家姐妳啲鬚搞到我好痕呀

出去搞退貨，幫嫲嫲買啲嘢，去嫲嫲屋企食Lunch，同狗狗玩

之後去Costco，食咗奶奶瞓著咗，不過好快就醒，今次唔食Pizza，食三文治

阿B 好鍾意幫人清垃圾

咁我同仔仔爸呢個感恩節就去咗阿姐個L 表姐屋企搞Gathering，阿姐因為接咗咁多Pet Sitting Job，所以就唔嚟，每次搞Gathering，因為我住近唐人街買嘢食方便啲，所以多數都係我哋買熟食過去，其他人都有自己整啲嘢食攞去

仔仔爸整咗佢拿手嘅咖喱魚蛋、墨魚丸、牛丸

二姑奶整咗花膠、姬松茸菇、冬菇炆豬肉，大姑奶就炆咗蘿蔔牛雜

L表姐其中一個仔個爹哋媽咪係日本人，佢哋整咗個味噌日式湯麵，原本佢仲帶齊“架撐”想整章魚燒，但見太多嘢食，所以無整到

今年無火雞，焗咗大火腿

小嬸買咗乳鴿嚟，乳鴿我都好耐無食過

阿姐C 表姐自家出品嘅甜品、蛋糕

每次去Gathering，L 表姐個奶奶一定會煲糖水，呢個紫糯米西米糖水，我每次都要打包幾"Qt" 返屋企

之前一日係小嬸生日，仔仔爸搞笑用紙包蛋糕同小嬸補祝生日

幾乎每次Gathering 啲嘢都食唔晒，每個人都要攞啲返屋企