齊齊食Burger

呢日阿姐阿B 返屋企喇，之前佢哋自己搭火車嚟，原本阿姐都諗住坐火車返去，聽見阿姐話女婿想食康州Down Town某間店嘅Burger，會係Down Town 個火車站接佢哋兩母女，咁不如我哋車佢哋上去一齊食Burger 啦，起碼無直接車佢哋返屋企咁遠

瞓醒食少少嘢，阿B 一起床就食雪糕，等阿姐執好晒行李就出發

女婿話今朝起床發現咗隻死老鼠，唔知係咪畀Sundae 玩死既呢

約女婿係Burger 店等，我哋到時女婿已經到咗

兩父女無見成個星期，一見面幾開心

阿B 想要我枝Iced Tea，嘟咀錫啖我就要我畀佢，佢真係好蠱惑

食完係附近行吓，最後黐吓粒孫

離遠以為有人係度畫畫，原來係雕像嚟

之後就同佢哋Say goodbye，我哋就返屋企，返到屋企Send 相畀佢哋報平安，今次派Hugo 仔做代表

阿姐佢哋去買Milk Shake，阿B 又話急尿急屎，要去架車度摷番佢個厠所板出嚟

佢哋又去隔離書店玩咗一陣至返屋企

一返到屋企，Macy 家姐黐住阿B，佢一定係好掛住阿B 啦

而Sundae 嬲咗阿娘，匿係床底唔肯出嚟

佢哋係Basement

Macy 家姐又嚟黐實阿B

到咗星期一

呢日女婿同同事調咗更唔駛返工，帶埋Rocky 出門口散步

總結呢個星期嘅阿B，連公公都讚佢好叻，學識去厠所，夜晚瞓覺都無著尿片，見佢一起床就即刻帶佢入厠所疴尿，就連出街著咗尿片，尿急都話想去厠所疴，只係第一日，忍唔到大便賴過一次，因為平時係屋企佢哋多數係Basement，阿B 唔鍾意用之前買畀佢嗰個痰罐，一定要去厠所用厠所板，但佢通常feel 到好急至出聲，已經趕唔切帶佢上樓上去厠所，所以每次阿B 成功大小便，我哋都會讚佢叻，仲開導佢返到屋企要用個痰罐，希望阿B 可以做到，快啲戒到尿片

搭巴士去Park玩

到咗Weekend，阿姐休息喇

阿姐襯黃糖想匿番上廚櫃頂，偷襲摸到佢

阿姐想食茶記，話要去小食店度食

可以同阿姐Share 一件西多士

阿姐除咗想食呢間小食店嘅嘢之外，因為隔離舖頭係間水族舖，阿B 即時Video Call show 啲魚畀佢爹哋睇，又去其他啲水族舖行吓

之後行番去唐人街買吓嘢

入咗間唐人雜貨店，因為裡面有貓店長，但唔見貓店長，買咗兩支軟糖畀阿B

無耐阿B 就瞓晏覺，Mango 仔陪住阿B 呢

阿B 瞓醒晏覺，阿姐覺得係屋企無聊，就話帶阿B 去Park 玩，阿姐一直想帶阿B 去Battery Park，所以我哋就搭巴士去

阿姐就係想帶阿B 嚟呢個公園坐呢個旋轉魚魚

玩完旋轉魚魚，去附近兒童遊樂場地度玩，遇到隻想R 人畀嘢食嘅松鼠，我個袋長期都袋住啲花生，畀阿B 餵松鼠

開始有啲凍要走喇，見對面Building 有Hello Kitty、Miffy 公仔，影埋相就坐巴士返屋企

阿B 食番條蕉補充體力

平時Mocha 都好黐我，佢一見我坐定定就即刻嚟黐住我

要瞓覺喇

待續…