去食沾麵

阿B 係佢自己屋企，成日有Macy 家姐陪佢、等佢起床

係我屋企都有Mango 舅父仔陪佢等佢

阿B 起咗床就幫手執床

Mango 仔成日霸咗阿姐張凳，搞到阿姐開唔到工

驚青黑糖，見到阿姐阿B 好戒備

Tracy 契媽舊年時返大陸一行，佢哋一家大細去影古裝相，契媽又買咗件古裝仙女裙畀阿B，阿B 開始貪靚，著住條裙係咁氹氹轉，條裙又真係好靚，阿B 著咗好有仙氣

Tracy 契媽買咗啲貓貓盲盒公仔，阿B 今日攞嚟拆，好彩三盒都係唔同嘅貓公仔

中午一齊落街買Lunch 返屋企食，我就去攞Order，阿姐帶阿B 去買珍奶，呢間“吃茶三千”新開張時，見排隊排到癲，好彩我怕肥，唔好珍奶，阿姐見依家已經無人排隊，就試吓呢間，而且唐人街又已經開多好幾間唔同品牌嘅珍奶店

行過一間新開餃子店，阿B 見到粒大餃子，好想去摸吓

行返屋企經過雞蛋仔車仔檔，阿姐話阿B 未食過，所以買一底畀佢試吓，阿B 幫手畀錢

Mango 仔嗅到又想食

我哋叫阿B 唔好再畀Mango 仔食，但Mango 仔係都要哄住想食

畀佢食咗幾粒雞蛋仔，就要佢食正餐

呢日係公公正日生日，公公呢日都可以早收工，等佢返嚟沖完涼就出去食飯，阿姐原本睇中去食烏冬，好彩出門口之前再睇一睇，原來呢日休息，之後阿姐就搵到間食日本沾麵，咁仔仔爸都未食過，阿B 話想再坐巴士，所以我哋就坐巴士去

舖仔細細，坐位唔算多，我哋唔想等咁耐，就坐Bar 枱

啲沾麵份量都唔少

侍應姐姐請佢飲益力多，有益力多飲好開心呢

食飽又坐巴士返屋企

返到屋企，因為係Tracy 屋企已經切咗生日蛋糕，所以阿姐買咗幾件撻嚟慶祝，而且呢間店又係開張無耐，阿姐鍾意食蛋撻，乘機買嚟試吓

見阿B 全日都好肯去厠所大小便，所以又請佢食雪糕奬勵

待續…