呢隻貓仔應該未夠一歲，唔係好怕陌生人，仲會嗲人o忝
當我見到佢時，佢對我唔係好驚，俾我摸、俾我抱都可以
咁即係話呢隻貓應該係有人養開，依家俾人遺棄的
我返屋企時，係度諗，佢咁親人，要佢做流浪貓真係好嘥
我仲驚佢會有危險o忝，所以我就諗不如試吓幫佢影相
叫阿姐post上facebook睇吓有無人要啦
咁我就星期日約咗敏姐一齊去幫佢影相
敏姐叫佢做儍瓜，虎紋好靚仔呢
阿姐o黎到一見到佢，就抱起佢，佢又唔驚，仲八卦嗅阿姐o忝
睇，咁唔怕人，唔係我奶奶唔俾加貓，真係想“立”佢返屋企
最後我都唔需要post上網幫佢搵家了，因為當晚，ASPCA o既義工已經將帶走
個義工話佢大約七、八個月大，見佢真係好親人，應該上到領養部，好快會俾人收養
呢個儍瓜，希望佢真係好快有家，做個有人愛錫o既小王子啦
沒有留言:
張貼留言