避難所

返香港時，有貓友送咗間貓屋俾我，我落機第二日就砌過俾貓地玩

初時就一定八八卦卦會入去八卦o架啦，最八卦就梗係Charco仔啦

咁間中Charco仔都會入去瞓吓o既，睇，瞓到伸咗隻腳出o黎

呢條尾咁長，係天師仔o黎，天師仔好少入去坐，可能個門口太細，佢覺得入去時唔係咁方面囉

所以總捨o黎講，兩貓都唔係咁鍾意

但對Charco仔o黎講，呢間屋仔又係佢o既避難所o黎喎

每次Charco仔知阿姐想捉佢、抱佢o既時候，佢一定係走入屋仔度避難

未有呢間屋仔之前，Charco仔要避開阿姐會匿去邊呢﹖

佢會匿係個heat後面囉

Charco仔好似想話︰，妳捉我唔到、捉我唔到

因為佢哋唔係咁鍾意呢間屋仔，直至依家，呢間屋仔都仲好完整無缺，連裡面嗰塊抓板都只係花咗少少唧