古靈精怪的阿B

阿B 越大越多搞笑嘢，話說阿姐係厠所小便，阿B 猛抆條尿片，阿姐問佢係咪要換尿片，阿B 跑走咗，轉頭阿B 出現，見佢件衫仔條拉縺已經拉開咗一半，阿姐洗手轉身已經見到阿B 開始除衫，哈哈

個衰妹走入呢度又玩一餐

每年Football 我女婿都會同啲朋友，賭邊隊最多分，大家夾錢買呢條帶，阿B 會負責頒奬嗎

阿B 開始學講嘢，近排成日講“呃噢”

Macy 家姐要阿B 摸頭仔

我post 呢張相上facebook，有人comment “終於睇清楚個樣”，哈哈

女婿好鍾意引阿B 入被竇，又錫又吱，阿B 好鍾意玩，每次爹哋一掀起毛毡，一定引到阿B 入去

阿姐要佢好似返幼稚園咁，要坐定定至食零食，玩遊戲

自己匿係廚櫃仲閂埋櫃門，呢條友仔真係好古靈精怪，畀佢笑死

阿B 又搶咗媽咪碗粉嚟食

阿姐平時係咁做嘢，呢日阿B 唔畀媽咪做嘢，攞咗右手邊個mouse 唔畀番媽咪，阿姐唯有用手機開啲貓貓片畀阿B 睇，之後阿B 一想睇貓貓片，就走去指住媽咪個電話，又叫“咩咩”，又錫媽咪

呢個星期農場畀咗啲翠肉瓜，阿姐焗嚟食，阿B 又鍾意食

繼續不停食的阿B

又係小吃貨阿B，大個女自己去柑皮

仲以為阿B 會一打開就攞Cookie 餅食，點知佢只係攞嚟搞

阿B 食咩都係大啖大啖食

睇，阿B 又多咗幾隻牙仔，可以咬多啲嘢食

阿B 公公鍾意食呢種意大利曲奇餅，阿姐send 畀公公睇，公公話係我“飛佛”，留番件畀佢

阿B 話︰No more 囉，哈哈

阿B 有牛尾食，有得“損”吓骨頭

呢日最後一日去Sadie 度，上車唔肯坐Car Seat，阿姐話買麵包畀佢食至笑晒口坐Car Seat，呢條友仔真係好蠱惑，仲要食到好搞笑

又有蘋果，又有蕃薯食

呢朝佢哋一家三口出去食早餐

阿B 呢個包咬咗兩啖，就話要袋番好，帶番屋企至再食

自家種Berry 又收成，阿B 自私食，一粒都唔請媽咪食

同爺爺去賭場

上個星期六，阿姐一家三口帶咗阿B 爺爺去康州賭場玩，一入到去阿B 見到賣雪糕嘅舖頭就即刻指住

帶阿B 去試鱷魚鞋，最後買咗兩對

阿B 好心急去玩

入遊戲機中心玩

阿B 留意到有投幣嘅地方，就指住媽咪個袋，阿B 除低個袋，佢自己摷媽咪個銀包出嚟攞銀仔想投幣

阿姐抱住佢玩跳繩機，佢覺得好好玩

等埋爺爺玩完一齊去食Lunch，阿B 瞓住等

一有嘢食就醒

見到媽咪杯水有舊檸檬，係都想要，阿姐畀咗佢，佢一放入口就…

之前應承咗會買雪糕，所以要守諾言唔可以呃佢

之後就返屋企，一上車就眼瞓了

返到屋企，阿姐接咗個餵貓 job，見落大雨，所以無帶阿B 去，係熟客仔，以前都去過，有4 貓，但有一、兩隻肯定會匿埋見佢哋唔到

第二日去另一家熟客度餵貓，佢係Sadie，餵三日

阿姐話阿B 去搞人哋唔可以搞嘅嘢，所以困佢係人家小朋友間玩具房

阿B 見媽咪用梳同貓貓梳毛，佢又去攞人哋啲梳同貓貓梳毛

幫手清埋貓砂盤就收工喇

Day 2，Sadie 好friendly 呢

今日最後一日，Sadie 一見到阿姐同阿B 好開心

阿B 好乖識攞張紙幫手抺乾淨個盤，阿B 好好記性，話說阿姐將啲濕糧先放係個紙碟度，再放係個玻璃碟上面，係尋日，當Sadie 食完濕糧，阿姐叫阿B 幫手丟咗個紙碟，今日都唔駛媽咪出聲，阿B 已經自動自覺去攞隻紙碟去丟

又幫手擺番好人家條鎖匙

最搞笑話阿B 同Sadie 玩吓玩吓，阿B 突然定咗型，原來佢疴咗大大，啲屎片又係車度無帶上樓，唯有攞住人家小朋友啲尿片用住先， 尿片size 都勉強頂得住，希望下次阿姐唔好再咁大安旨意唔攞尿片