坐火車，去搵阿姐

上一篇Blog 已經講咗我會去阿姐度住一個星期，出發當日因為仔仔爸唔肯車我去康州，只肯車我去火車站，所以我要自己搭火車去

阿姐會到康州火車站度接我，佢哋一家遲到，我等咗佢哋一陣

見到粒孫，佢掛住睇手機唔肯叫我

一開車就要開呢隻APT 歌佢聽，佢一邊唱住一邊跳舞

我哋先去附近間IKEA 行吓，有嘢要買

至再去食Lunch

去到阿姐屋企停好車，先帶阿B 係屋企附近行過圈，遇見呢隻鄰居貓

Macy、Mittens無匿埋

每晚我沖完涼，阿B 見我搽護膚品、lotion，佢都要搽埋一份

阿姐話平時S'mores 好鍾意瞓呢張小童梳化，所以到夜晚佢已經唔驚走番出嚟霸番個位

第二日早起床的我自己去沖咖啡，摷嘢食做早餐

阿B 瞓醒又嚟我張床度玩

之後我哋出去老番超市買餸

我想食Poke Bowl，所以阿姐買外買返去畀我食，佢自己就整蕎麥麵食

阿B 瞓醒扭計，張充氣床好容易漏氣，要成日充氣

女婿早放工返嚟，帶阿B 出去買滑板車

阿姐要開工，我要煮飯，女婿就湊住阿B，無耐阿B 又瞓一覺

之前我已經煲定湯帶去畀阿姐飲，係雪耳紅蘿蔔蟲草花湯，估唔到阿B 都鍾意飲

Macy 真係好乖，成日去陪住阿B 玩，反而係阿B 成日蝦家姐

之前阿B 唔舒服要食十日藥，食完晒十日藥就要返去覆診，所以呢朝早要摷醒佢去見醫生

時間實在太早，啲食肆都未開門，所以去咗呢間買包食，阿B 唔食嘢，只係喺舖頭度走來走去

呢晚Macy 已經上定床等我，要陪我一齊瞓

呢朝見Mittens 厭住條香蕉貓床，原本阿姐叫我攞番屋企畀我啲細貓玩，見Mitterns 好多時都會瞓住，所以都係留番畀佢啦

搵極都唔見Macy，原來瞓咗係呢度

Mittens 除咗鍾意厭住隻蕉床，佢又好鍾意厭住個咕o臣

Macy 妳做咩霸住我隻鞋

係咪鍾意好婆婆陣除呢，哈哈

我帶埋罐頭飽魚、罐頭佛跳牆，灼個生菜又一味餸，阿B 鍾意啲鮑魚汁呢

呢日阿姐自己出去中超市買河粉返嚟，整越南河粉做Lunch 一齊食

阿B 又幫手攞郵包

又想彈走Macy 家姐

呢晚Macy 又嚟陪我瞓

待續…