幫手湊阿B

前日阿姐兩公婆要去個水族展，見會場多魚缸玻璃，帶埋阿B 去驚危險，阿姐又唔想搵佢奶奶睇，因為遲啲又要麻煩佢奶奶去佢屋企幫佢哋餵狗放狗，所以話帶阿B 嚟畀我哋湊半日，早幾日阿B 知道嚟公公婆婆屋企已經好興奮

阿B 話 : 婆婆, 暈咗

呢日阿姐同阿B 係度玩燒棉花糖

呢朝起身出發嚟公公婆婆度

阿姐問阿B 食唔食嘢，阿B 話去公公屋企食，問佢想食咩又唔答，問佢係咪要公公煮麵畀佢食，佢又話No

我哋落樓下接咗阿B，畀啲朱古力Cake 佢，佢又唔食

阿B 係屋企帶咗兩條手錬，話一條係畀婆婆我，但後來佢又要攞番

公公話買咗Candy 畀佢食

公公見佢唔食嘢，又夠鐘食Lunch，公公就出去買嘢返嚟食，我哋係窗台等公公返嚟，見公公買咗好多嘢

公公話一定要食咗嘢至有糖食

上次係L 表姐屋企開Party 時，阿B 鍾意食呢隻腸粉，所以又買畀佢食

阿B 掛住食糖，食少少就唔食

之後我就陪阿B 玩，之前阿B 個孻姑婆畀咗啲玩具，衫畀阿B，放咗係我屋企，見到阿姐至畀佢，阿B 就自己摷出嚟玩

玩玩吓，阿B 突然話要食提子，但屋企無提子，得白玉桃，就切畀佢同佢一齊食

阿B 又成日匿係呢度自己玩，食零食

阿B 又鍾意玩匿埋，要同我一齊匿 ，叫公公嚟搵我哋

阿B 又摷架BB 車仔出嚟玩，仲要我坐嚟推我，佢都幾大力，哈哈

等阿姐兩公婆返嚟，我哋一齊去食雲吞麵

阿B 只食咗一半，因為佢掛住玩，無瞓過晏覺，所以好快佢就眼瞓瞓咗

公公一直抱到佢上車，但就醒咗

返到屋企又唔願瞓，又掛住睇手機

阿姐Send 咗啲水族展嘅相我睇

阿姐鍾意養呢種魚，買咗條可以“啜”住玻璃嘅公仔畀阿B，但阿B 都無特別鍾意