Minnie入室六週年

今日係我家Minnie 入室6 週年，先再講一講佢嘅來歷，佢係我姑爺仔個同事執到交畀我姑爺仔，我姑爺仔帶佢嚟我屋企想我哋幫佢沖涼，暫况一陣就帶佢返屋企，但最後我姑仔唔畀佢入門，所以唯有留係我屋企，所有貓一入我屋企就係先入厠所沖涼，好記得佢一啲都唔驚，好淡定，我都懷疑佢唔係流浪貓，或者係人家的放養貓，但佢又未絶育喎，就因為佢咁淡定，佢好快就溶入呢個屋企

疫情前，有時我都會放啲貓地出走廊行吓，Minnie 有時都會出去，疫情後到依家，我都無再畀啲貓地出去行了

 Minnie 同Chewy 一樣又係好鍾意梳毛，有時佢同Chewy 都會係厠所排隊等梳毛

佢好鍾意係呢個位置度曬肚腩瞓覺，睇佢身型幾fit，因為佢唔大食，平時佢只鍾意食罐頭啲汁汁加少少水

佢唔算黐人，但間中都會黐吓人，但夜晚佢鍾意黐住我要瞓係我臂彎，都好sweet 㗎

佢有時都會發小姐脾氣，亂咁撩貓打

都希望家中貓地可以健健康康咁陪我多幾年