睇吓阿姐一返到屋企就大昏迷
參加咗好多塲o既貓聚，收到好多禮物呢，搞到空喼去、爆喼返
返到屋企，貓地已經o黎搞搞震
睇，幾多禮物，真係多謝晒各位貓友，又要各位破費買咁多嘢送俾我同貓地
我放啲禮物出o黎，佢哋又要霸埋一份
咁多禮物之中，我最鍾意就係Cindi畫o既Charco仔、天師仔o既門牌，畫得真係好似、好靚呀，我真係好鍾意、好鍾意、好鍾意呀，多謝晒Cindi妳
呢幅係我2010返香港時，Cindi畫o既Charco仔、天師仔o既圖畫，一樣畫得佢哋咁cute、咁可愛，我仲用咗貓友送俾我o既貓貓貼紙o黎自制咗個畫框o忝
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
差啲嚇死失貓記
仔仔爸o黎機塲接我哋兩母女，係楂車回家途中，講吓兩隻仔呢三個星期係屋企o既事，隨咗有趣事之外，仲發生咗件驚險事
就發生係我哋返o黎當日，當日仲係阿姐個表姐個仔o既百日宴，所以波士頓二姑媽由波士頓o黎咗紐約，每次佢o黎紐約，當然會o黎我屋企坐吓，陪我奶奶傾吓心事，買嘢返波士頓，當我二姑奶出咗街買嘢無耐，發現Charco仔唔見咗
，搵均全間屋都搵唔到，叫佢又唔應，所以估計Charco仔可能襯二姑媽出去之時，出咗門口都唔知仔仔爸即係由樓梯走落樓下度搵，唔見，即刻返屋企搵多次，再由五樓續層搵到上十七樓，都唔見，仔仔爸已經走到喘晒氣、暈咁制，當佢行返落十五樓時，就收到我奶奶o既電話，話搵到Charco仔，奶奶話見到Charco仔係我房度走出o黎，原來個衰仔匿咗係我放衫個架度
之前仔仔爸都“立”咗眼唔見，而且見已經堆滿晒衫，無諗過佢會匿係裡面囉
除咗佢小時候鍾意係度瞓之外，真係幾年都無再見過佢走入去，後來仔仔爸係度諗，點解佢會咁反常，會匿到咁密
仔仔爸話，二姑媽o黎咗之後，佢都無嘜點出過廳，佢出去廳食嘢時，二姑媽想摸佢，佢仲fee二姑媽o忝，仔仔爸仲話佢成個下午都係我房度
有時伏係呢個位置度
最後仔仔爸諗到，可能佢嗅到二姑媽身上有Tofu味(我二姑奶屋企隻狗)，佢因為怕咗呢隻味，所以成日匿係我房，但估唔到佢會匿係啲衫度，今次真係差啲俾佢嚇屎呢
另外最搞笑係，我奶奶當時見到Charco仔時，佢伸手抱起Charco仔，睇咗係咪短尾o黎，佢確定係Charco仔，至打電話通知仔仔爸，咁多年o黎，我奶奶都未曾抱過Charco仔，而且佢到依家都仲係分唔到邊隻係Charco仔，邊隻係天師仔，佢一直以o黎都係靠睇條尾o黎認貓o架咋
沒有留言:
張貼留言