早排我幾乎日日都係廳睇電視,天氣仲係乍暖還寒,所以我坐梳化時,都仲會冚張毛毡係身,咁貓地就會走上我大髀度坐
有時Mango 仔會趕走人哋要坐我大髀
就算唔坐我大髀,都要黐住張毛毡
就算我唔坐係梳化,貓地都要黐實張毛毡
不過呢兩個星期開始熱,我已經唔需要張毛毡,又將毛毡收埋,雖然無咗張毛毡,好彩貓地都會黐實我
不過可以好肯定天師仔只愛張毛毡,因為我身上無咗張毛毡,佢係唔會坐我大髀的
Mango都好霸道喎
回覆刪除佢都係睇貓嚟蝦,奇哥佢就唔敢蝦呢
刪除佢地肯主動坐上黎嗰下已經冧爆!
回覆刪除係呀,可以一邊睇電視,一邊摸貓貓
刪除痴到實, 冧爆
回覆刪除佢哋肯黐到實,真係幾冧架
刪除妳負荷好大啊哈哈....
回覆刪除咁坐大髀又唔係幾辛苦的
刪除好怪d貓,有毯響腳上就一定坐上嚟,但獨立一對腳或獨立一張毯又未必會坐!
回覆刪除妳講得好啱,應該佢哋係鍾意墊住啲嘢嚟坐
刪除有佢地陪你睇電視,係咪好正呢?
回覆刪除梗係正啦,一邊睇電視,一邊摸住佢哋
刪除