貓地週圍匿

平時貓地除咗食，最多時間就係搵地方瞓覺

有時真係搵唔到Minnie，因為佢太細粒，好似如果佢匿係廚櫃頂，佢再瞓入啲，我唔擔凳仔望都見唔到佢

 試過搵佢唔到，唯有放棄，終於有日佢係個面前捐入個買餸車仔度，先知佢匿咗係呢度

我亦都試過眼大睇過籠，佢就瞓咗係枱上面個紙袋度，我都睇唔到

近排Minnie 鍾意瞓係個襪箱度，仔仔爸依家仲特登攞走啲襪，放個墊比佢瞓呢

張貓床放咗係貓樹底，Mango 走咗入去瞓，呢個位又算係隠蔽嘅地方

每晚我臨瞓前，都一定會去搵吓啲貓地去咗邊度瞓，連續兩晚，見到Chewy去咗瞓公公瞓覺

我send 比阿姐睇，阿姐問點解Chewy 咁乖去陪公公瞓，我話得兩晚咁多啦