早排個電視short short 哋,已經一早去買個新電視返嚟,但set 唔掂,要等阿姐返屋企幫手set,唯有摷番之前放係房睇影帶、影碟個細電視出嚟頂住先
電視旁邊多咗咁多空位,Mango 仔就會上嚟hea 同瞓覺,咁我可以一邊睇電視一邊睇住佢
後來我放咗個貓屋係旁邊,Mango 仔又會走入去瞓覺,不過反而第一個走入去瞓嘅係天師仔
某日Mango 仔係貓屋入面舔毛,咁好自然會郁來郁去,好似以下條片咁
後來佢郁吓郁吓,大動作得滯,連貓帶屋向右邊碌咗落地,片就影唔切喇,不過大家可以想像一下,見到嗰下真係笑死我
之前部舊電視,貓地瞓住係前面,都唔會遮到啲字幕
依家佢哋會遮住晒囉
啲電器一壞開,就其他都會壞,個貓用水機都未用夠一年就壞鬼咗,咁又即刻訂個新嘅返嚟,今次買過高身啲,等貓地唔駛頭耷耷咁飲水
Charco 仔排住隊等飲水
依家的SMART TV,好複雜,我想換機,但又怕麻煩。
回覆刪除依家啲機真係好難搞
刪除我個電視要用繩綁住固定
回覆刪除費事貓頭玩時撞落地下
你好嘢,電視唔使綁
咁耐以來,啲貓算乖,未試過玩到上去,所以一直都好安全
刪除我都覺得, 電噐壞, 真係似會傳染咁, 壞就一齊壞
回覆刪除希望唔好再壞其他嘢
刪除想像到跌落地個吓有幾好笑haha~
回覆刪除佢一碌咗落地就嚇到走貓
刪除電視年尾壞都有個好處嘅,就係有好多減價,多啲選擇!
回覆刪除Mango又會咁搞笑,跌落黎都繼續匿喺貓屋唔出黎,唔通佢以為「你睇我唔到」,哈哈!
我哋係Black Friday之前買,已經減咗價,其實依家啲電視機都好平,記得部舊機,十年前買,要成$8xx,依家唔係三舊就買到
刪除哈哈,喵喵好搞笑,佢想你注意佢,所以瞓响電視前!(⌒o⌒)
回覆刪除啲貓好隨心,想瞓邊就瞓邊
刪除Mango仔好肥美吓咁喎...
回覆刪除十隻黃貓九隻肥,佢都係其中一隻,哈哈
刪除祝你們一家:聖誕快樂!
回覆刪除Merry Christmas & Happy New Year
刪除