阿姐返嚟探貓地

之前見天師仔情況開始差，好驚天師仔會好快離開，所以call 阿姐同佢講，問佢返唔返嚟睇吓天師仔，而且阿姐都已經好幾個月無返過屋企，阿姐都即刻覆話會返，仲特登請多日假，星期五放咗工就返嚟

叫阿姐畀嘢天師仔食哄吓佢

奇哥好黐阿姐，阿姐話奇哥成晚陪住佢瞓

到朝早都要黐住

睇天師仔幾嗲阿姐

我姑仔知道阿姐返咗嚟，咁啱佢又要嚟唐人街做物理治療，話上嚟睇吓天師仔，原本約我哋去唐人街食lunch，但佢話唐人街好多人，佢決定買外賣上嚟一齊食

等姑仔期間，奇哥又黐實阿姐

隻為食Mango 見人食嘢，又想食

姑仔知道天師仔唔食嘢，又買咗啲湯包畀天師仔

第二日佢又再去Pet Store，又買多啲畀佢

到星期日朝早，Chewy 想上梳化搵我拍pat pat，但見佢阿娘係度又唔夠膽走上嚟，係我抱佢上梳化放係阿姐旁邊，阿姐一摸住佢，佢又唔走了

阿姐又要影Mango 仔畀佢啲fans 睇

阿姐食lunch 時，Mango 仔又係度黐住晒

特登早啲煮晚餐，等阿姐早啲食完飯，搭車返屋企

基本上天師仔已經回復正常，只係變得大食咗，食極都唔夠皮咁，食得又快

仲要搶人哋嗰啲食，睇Charco 仔比大佬搶咗嚟食，好無奈 

仲要唔肯走，係咁坐係度等，其實佢已經食咗好多

有時佢匿係凳底都係表示想食嘢

佢依家每隔個幾兩個鐘就要扭嘢食，仲要叫住要食，佢以前唔係咁架，不過見佢肯食，佢又唔食乾糧，所以我會輪住畀吱吱條、湯包畀佢食，依家見佢咁大食，我哋臨瞓前都要開少少罐頭畀佢，等佢食飽啲至瞓，如果唔係，佢見我半夜起身，又會扭嘢食

終於食咗滿足，至肯去瞓覺

 

屋企個暖氣時有時無，天師仔又唔鍾意冚被，見佢瞓咗，我會放個暖爐係旁邊比佢