轉房瞓

曾經講過Charco 仔舊年年中嗰陣，只鍾意留係雜物房瞓，仲成日“唱歌”

但係舊年11月開始，Charco 仔唔再係雜物房瞓，轉咗嚟我間房度瞓，最初只鍾意瞓窗台

我有時行入房，佢就會起身望吓我，佢要我攞乾糧入房餵佢食

Mango 仔見到，又要我餵埋一份

一日兩餐罐頭，都要攞入房畀佢食

我去咗阿姐嗰排，Charco 仔鍾意跳上呢度瞓，仔仔爸見佢成日係度瞓，仲特登清開啲嘢畀佢瞓

有時我用電腦，佢會埋嚟陪吓我

不過多數都係鍾意瞓覺，近排佢開始成日係床度瞓

一時鍾意瞓床尾，一時鍾意瞓被面，一時瞓吓呢度，一時又瞓吓另一度

呢幾日就鍾意瞓我係旁邊呢個位置

近排見佢少咗唱歌，唔知點解呢﹖

 

孫女探婆婆

早兩個星期，女婿同佢表弟要嚟紐約睇show，阿姐就無興趣，不過見佢哋嚟紐約，就跟埋嚟返屋企探吓我，女婿先嚟放低佢哋，再去睇show，知道阿姐會返嚟，咁啱阿姐個契媽要嚟唐人街報稅，咁就約埋佢出嚟飲茶，畀呢個契婆見吓個契孫女

嚟緊嘅時候，阿姐send 畀我，瞓著都掛住飲奶奶，哈哈

由嚟到屋企樓下到去到酒樓，Alena 仲一直瞓緊覺

又想醒、又想繼續瞓，好多表情

終於都醒咗，契婆話佢好可愛

飲完茶就返屋企，畀阿B 見吓啲貓地

不過Mango 仔對架BB 車興趣大啲咁喎

入房搵Charco 仔

奇哥主動入嚟見阿B，其實係想黐阿姐

摸摸Minnie

搵Chewy 

之後我哋出去行吓買吓嘢，知道老虎堂隔離開咗間賣芋圓，所以想去試吓，順便買杯老虎堂嘅珍奶

之後就等女婿嚟接佢哋返屋企，仔仔爸要返工，無緣見吓粒孫

阿姐返到屋企又send 條片嚟報平安，Macy 見到個妹返咗屋企好開心，係咁親親妹妹呢

上個星期日我哋一早plan 咗去拜山，但怕天氣仲凍就叫阿姐唔駛去，怕冷親阿B，但當日見天氣好好，想畀阿B 見吓啲家族成員，就同阿姐講佢想去就去

阿姐帶阿B 出發中

但去到墓園，又好大風，有啲凍，所以叫阿姐抱出嚟一陣，就抱佢返上車畀女婿湊住

我姑仔之前同個女去shopping，買咗啲靚衫仔畀Alena，阿B 真係好多人錫

 

阿M 表妹，仲買咗張貓地毡、貓碟、貓擺設畀我呢個舅母呢