曾經講過Charco 仔舊年年中嗰陣,只鍾意留係雜物房瞓,仲成日“唱歌”
但係舊年11月開始,Charco 仔唔再係雜物房瞓,轉咗嚟我間房度瞓,最初只鍾意瞓窗台
我有時行入房,佢就會起身望吓我,佢要我攞乾糧入房餵佢食
Mango 仔見到,又要我餵埋一份
一日兩餐罐頭,都要攞入房畀佢食
我去咗阿姐嗰排,Charco 仔鍾意跳上呢度瞓,仔仔爸見佢成日係度瞓,仲特登清開啲嘢畀佢瞓
有時我用電腦,佢會埋嚟陪吓我
不過多數都係鍾意瞓覺,近排佢開始成日係床度瞓
一時鍾意瞓床尾,一時鍾意瞓被面,一時瞓吓呢度,一時又瞓吓另一度
呢幾日就鍾意瞓我係旁邊呢個位置
近排見佢少咗唱歌,唔知點解呢﹖
可能要沖開聲茶俾佢開聲先!😂
回覆刪除或者佢掛住兩位老朋友⋯⋯
佢年紀大喇,性格都變晒,唯有盡量遷就佢
刪除會唔會少左個老友, 想搵人陪?
回覆刪除唔知呢,不過佢年紀都唔細,除咗食、疴,都唔多活動
刪除佢周圍瞓,好似好自在咁噃!🙂
回覆刪除我哋就晒啲貓地,佢哋當然自在
刪除只要佢喜歡鍾意點就點啦😆
回覆刪除我都係咁諗啦
刪除