母親節湊貓貓

呢日阿B 爹哋早收工返屋企又同阿B 玩

呢日阿姐係厠所開大，阿B 就係房門口等媽咪，驚媽咪走咗去咩，阿姐話佢似啲大廈看更，一邊玩手機、一邊看門口

呢日女婿臨收工call 阿姐話佢係Downtown，問要唔要買珍珠奶茶返嚟，當時阿B 係床上面，用被冚住自己匿埋，一聽話有珍珠奶茶，即刻彈起話我要珍珠奶茶，呢隻為食貓真係為食到呢

又有得出去玩

依家日長夜短真係好，阿姐兩公婆收咗工都仲未天黑，又可以同阿B 出門口玩吓放吓電，見到鄰居狗狗

阿B 有得玩，唔肯瞓晏覺，所以好早就瞓著咗

呢日阿B 一瞓醒話想食薯條，當佢睇緊條片，有朱古力雪糕，就話︰朱古力雪糕，我鍾意朱古力，睇吓佢個為食樣，哈哈

呢晚接咗新湊貓Job，去攞鎖匙，有兩隻貓，另一隻係黑貓怕羞匿埋咗，將會呢個星期開始湊8 日

呢日出門口踩滑板車，阿B 帶埋黑超嚟踩，駛唔駛咁招積呀

有炸雞食

呢晚仲掛住睇手機，又學片中嘅聲音

到咗Weekend，女婿好勤力去掃狗屎

 

出去食Yogurt

呢日母親節，我收到阿B 嘅祝賀 

佢哋先去食嘢，又去行吓商塲、超市

阿B 又有新嘢玩

去咗唐人超市買餸，阿姐買咗個榴槤

阿姐話個榴槤都唔錯，都有好多舊喎，又唔算好貴

阿姐又接咗兩單舊客嘅湊貓Job，其中一單係Cleo，只需要湊呢一日，另外7 月都要去湊佢，湊過幾次，Cleo 已經認得，唔再驚驚

另一單係湊Motita、Bijou，要湊6 日

阿B 返到屋企睇睇吓手機，又瞓著咗

而我呢，雖然阿姐無返嚟同我慶祝，佢話我哋出去食嘢就佢負責埋單，所以我哋搵埋敏姐出去食Lunch，唐人街新開咗間食螺獅粉，去試吓

參加生日Party

呢日好早阿B 又搵我Video Call，見佢係度玩緊一個蛋糕擠奶油花，仲以為媽咪教佢整餅或曲奇，原來係一個泥膠玩具

呢朝早阿姐話Sundae 要阿娘摸佢頭仔，一唔摸佢，佢就用手“了”阿娘隻手要再摸，我覺得Sundae 越嚟越嗲人

呢朝阿B 一瞓醒就Video Call 我，但又要用被冚住自己唔畀我睇佢，佢真係好搞鬼

幾乎每日阿B 都Video Call 我，但有時我要去買餸，有時係食完Lunch 要落街行吓，唔得閒睇佢玩，阿B 就要我返到屋企要Call 番佢

呢一日，女婿早收工帶阿B 出屋外玩，帶Rocky 散步

阿姐話阿B 成6 點至瞓晏覺，所以夜咗瞓，臨瞓嗰陣又話要食生果

到咗Weekend，呢日女婿個同事個仔仔生日，邀請佢哋去佢屋企開生日Party，佢哋先去食啲嘢

係同事屋企外面遇到隻黑貓

主人家屋企個後Yard 又係好多嘢玩

小女警，哈哈

又有同齡嘅小朋友同佢一齊玩，真開心

尋日Sunday，佢哋去咗個Farmer's Market 度玩咗一陣

阿B 一返到屋企又掛住睇手機

咁好天氣都係出去個Yard 度玩吓啦