去探阿姐

尋日，特登楂車去康州探阿姐，因為我奶奶都想去睇吓學校o既環境

校園相之前post過，所以都無謂再post

去到就上宿舍坐吓，因為阿姐洗咗衫等乾衣，收好衫，就同埋阿姐個roommate去學校附近o既Mall行吓

後來仲join埋佢倆另一個同校朋友一齊Window Shopping

除咗帶奶奶o黎探吓個孫女，睇吓學校環境之外，其實最主要係搵埋個女去食番餐，提前同我慶祝生日

仲有當日係中秋節，要一家團圓喔

嗰位同校朋友，佢本身係住係康州，所以佢係唔需要住宿舍，佢介紹咗一間専食龍蝦o既餐廰俾我哋

佢話有時佢同屋企人都會去食晚餐，除咗有龍蝦食之外，最特別係佢近海邊，可以望到海，睇日落仲好正o忝

當我哋行完Mall，楂車出發去食龍蝦不久，就開始落大雨，心諗︰噢，睇唔到日落了

但當差不多到達時，又停雨了，仲見到彩虹o忝

呢間就係食龍蝦o既餐廳

係餐廳裡面可以望到外邊o既風景

外邊風景都好靚o架

有海鷗

感覺好舒服

夕陽

主菜出塲，左邊嗰隻係清烚龍蝦，右邊嗰隻係焗龍蝦

呢份係炸魷魚

呢份係我奶奶o既雞肉三文治，其實佢都唔係好愛食西餐，又唔多食海鮮

阿姐個roommate order一份炸雞胸肉，佢個朋友就食炸蝦，不過無影相

嗰兩隻龍蝦原本諗住係一齊share，點知佢個roommate話佢有海鮮敏感，個朋友仔又話佢唔食龍蝦，都唔知係咪唔好意思呢

咁我就同阿姐一人食咗一隻龍蝦身，我食白烚嗰隻，仔仔爸就食其他部份

睇阿姐食龍蝦呀，啖啖肉，好好味

阿姐個roommate同佢個朋友仔

橫掂講開美食，就post埋上年四月時去參觀賓州大學，食過o既嘢

午餐去咗食意大利菜

唔好問我係咩嘢湯，其他係咩嘢o黎，已經唔記得了

夜晚，去食貓友介紹好抵食o既龍蝦套餐
餐前有個蒜蓉包，好好味o架，不過唔記得影相，我只記得除咗個肉醬意粉，樣樣都咁好味，仲真係幾抵食

咁唔爭在post開就post埋暑假時，阿姐去學跳hip hop，上最後一堂時，佢帶埋我去睇

落堂後阿姐帶我去附近食泰菜(之前佢表姐同佢去食過)

我哋只order兩樣嘢

阿姐鍾意食o既芒果糍米飯

有時我兩母女去撐枱腳，都幾溫馨o架

呢個星期尾，阿姐又返o黎幾日了