上梳化坐喇

睇吓我家張梳化都爛咗好多年，仔仔爸話換新梳化都講咗好多年，不過我無嘜所謂喎，因為我都好少坐o既

(我要聲明，張梳化唔係貓地抓爛，佢哋唔抓梳化的)

天師仔除咗初初來我家時會上梳化坐，之後都唔肯再上梳化坐了，唔知係咪驚我哋會睇佢唔到，會坐扁佢呢

最後最唔抵得嗰個係我奶奶，佢上次係我二姑奶屋企攞咗塊大窗簾布返o黎，當梳化布咁遮住張爛梳化

自從有咗呢張梳化布，天師仔就愛上梳化了

佢除咗坐上去之外，仲鍾意捐入布底下面匿埋，佢試過當我坐係梳化睇報紙時，佢捐入布底度襲擊我

我成日都同佢係梳化度玩

佢仲鍾意匿係梳化底度玩

“幽冥鬼手”

依家見佢係梳化坐，我都特登出廳睇電視，陪住個仔，(係乘機黐實個仔)

同埋Charco仔一齊瞓梳化呢

Charco仔不嬲都咁幫襯張梳化

漸漸進入夢鄉了