其實呢間屋o既入住率都唔高，只有初初Charco仔會入去hea吓
天師仔可能覺得個門口太細，所以佢唔鍾意入去，只係間中伸對手入去抓吓塊板
舊年時，某日見到間貓屋頂塌陷了
應該唔係特登整塌的，我估可能係想借力上窗台，又或者係窗台時，跣腳跌落o黎壓塌的
阿姐仲惡搞，話係天師仔想學Snoopy咁，瞓屋頂至壓塌的，哈哈
之後呢間紙貓屋，大多數輪為裝飾一件，個屋頂仲攞o黎曬腳箍
對Charco仔o黎講，呢間紙貓屋都仲有一個用途，就係攞o黎避難
每當佢知道要剪甲、滴耳時，好多時佢會走入去匿埋
係未有呢間紙貓屋之前，Charco仔想匿埋，就會匿係個heat 爐後面
今日間紙貓屋要丟了
睇吓裡面塊抓板，都唔算好爛，睇得出兩年o黎，佢哋真係好少用
旧嘅唔去新嘅唔嚟
回覆刪除都唔玩o既，唔會再買類似的，上次貓友送間貓屋，連Charco仔都唔“吼”
刪除叫姐姐起過間新架啦！
回覆刪除佢哋都唔玩o既，無謂再起啦
刪除我唔會買紙製貓用品, 兩下就game over
回覆刪除我用透明胶紙痴番個頂，俾阿夢再跳落來....就
刪除呢個好快爛, 所以買過一次之後無再買LU~
回覆刪除但係佢個樣的確好靚，不過我同意，好快爛
刪除見之前貓友嗰啲，如果佢哋啲貓地係百厭，唔駛一個禮拜就玩完，我呢間都算係襟玩
刪除貓地係咁架，滿心歡喜買俾佢地，點知巡一輪就撇，真係滴汗、無奈﹗
回覆刪除過一排再拿出來，就當成新玩具XDDD
刪除人仔都係咁 : P
所以依家都唔買嘢過佢哋
刪除呢間屋仔我都有，好懷念，夢夢去年已整爛左....
回覆刪除其實如果佢哋都唔玩，變咗好阻掟
刪除妃彈勁愛咬紙，所以我無買呢間屋
回覆刪除妳家有兩隻貓肉碎紙機，哈哈
刪除屋頂都凹埋haha
回覆刪除紙製係好化學o架咋
刪除總算係用過，唔算浪費麻 (´⊙ω⊙`)
回覆刪除但駛用率真係唔高囉
刪除你快 d 買過間避難所比 Charco 仔啦 XD
回覆刪除無咗間避難所，容易捉佢抱抱呢
刪除嘩!難成咁，仲唔掉既?
回覆刪除我發覺D貓地越cheap越岩佢地，好多時D裝野D難鬼紙箱佢地最鐘意
其實真係自己用紙箱整俾佢哋都得啦
刪除我而家有人送貨來，個紙盒要是乾淨的，就由得佢玩几日先至丟掉...好過買玩具
刪除我都係
刪除擺倒兩年算耐架嘞....紙喎...
回覆刪除最主要係佢哋唔百厭，如果唔係，我諗半年就玩完
刪除買間用夾綿整嘅貓屋俾佢哋吖又洗得
回覆刪除貓友送過一間，不過可能細間，佢哋都唔鍾意
刪除用木整的安全屋會安全好多, 起碼唔會塌頂排hehehee
回覆刪除我覺得佢哋唔鍾意屋仔，唔愛有瓦摭頭，愛露天的
刪除