後來仔仔爸係17 樓再上天台嗰層發現咗呢隻灰貓
初初見到我哋好驚人,不停咁鬧人,仲走咗去,我哋都知佢驚,只放低糧水俾佢就走
第二日,再上去睇佢,見佢係度望緊街
因為知佢驚,所以都只係放糧水俾水,都唔敢“把打”佢,但佢已經無走貓,又鬧少咗人,我仲放張舊毛巾俾佢瞓
我臨走時嘗試摸吓佢,原來佢好鍾意俾人摸o架
呢張相佢伸咗小小脷仔出o黎,好得意o架
又再次摸佢,摸到佢好想瞓低反肚
想討摸呢,又伸咗少少脷仔出o黎,可惜影得唔清楚
臨走時影o既相,佢個樣好似有啲唔捨得我咁,係咪我諗多咗呢
我會每日餵佢,仲有我有幫佢執貓屎,以免有人討厭佢,希望啲人唔好趕絶佢啦
阴公啰…不如仔仔妈妳带佢返屋企啦!
回覆刪除我都想,不過加貓唔到我話事
刪除希望佢唔好比人趕絕,有善心人收養佢就好咯 …
回覆刪除希望係咁啦
刪除我以前都好似你咁,養過一隻街貓,後來又走左出街無回來。個種感覺我知道架,可以嘅話你地繼續照顧佢喇。
回覆刪除餵佢係無問題,只怕有一日佢唔再出現,又唔知佢點,會好心痛
刪除好可憐呀, 可唔可以搵到人收留佢呀
回覆刪除搵人收養唔係咁容易,依家唯有餵住先,見步行步啦
刪除貓貓知你鍚佢, 佢唔再驚你之餘仲好鍾意比你摸, 希望佢快 d 搵返個家啦
回覆刪除我都估唔到佢咁嗲,幫佢搵家唔係咁容易
刪除可以照顧埋佢嗎?
回覆刪除屋企可唔可以加貓,唔到我話事
刪除靚貓啊,陰功 . . . 搵到人領養就好咯﹗
回覆刪除幫佢搵家唔係咁容易,盡量啦
刪除貓貓好橙丫,搵唔搵到人收留佢呀!
回覆刪除邊有咁容易,我又唔識得人
刪除可可揾義工收留佢?
回覆刪除我又唔識英文,個女又唔係度,都唔知去邊度搵義工,記得好耐之前,試過e-mail啲動物組織,都無覆過
刪除好可憐呀,希望主人快D搵返佢。
回覆刪除佢啲毛好“旱”o架,我覺得就算佢之前有主人,都照顧得佢唔好
刪除點算呀? 咁落去都唔係辦法喎...
回覆刪除唔知呀,見步行步啦
刪除你考慮下…
回覆刪除佢已經係我個女啦,哈哈
刪除你收養了貓貓?如果是,就好了,遇上也是緣份......
回覆刪除真係好講緣份,如果兩個月前我遇到佢,都唔可以帶佢返屋企
刪除