去覓食

阿姐返咗屋企，就多咗出街嘢食

阿姐返o黎第一個星期日，我要去做body check，要空肚抽血，阿姐等埋我做完check up至一齊去食嘢，行過一間有鹽酥雞食，就入去食個早食的午餐

之後行去寵物用品店買貓砂剷時，遇到一個可愛o既哥基狗狗

某日放工返到屋村停車塲，泊好車，發現一隻未見過o既屋村流浪貓

睇佢又唔太怕人，心諗︰天氣開始凍，啲人遺棄佢咁衰，即刻返屋企攞貓糧同水，再去時已經搵唔到佢，到夜晚，仔仔爸幫阿姐搵定個車位，等阿姐返o黎時，換番個車位比佢，仔仔爸攞定貓糧，比佢發現隻貓瑟宿係大廈旁，即刻開咗罐罐頭比佢食，之後就再無見過呢隻貓了

上個月感恩節，去咗阿姐表姐屋企搞大食會，每個family 要整一至二樣食物一齊食

表姐屋企附近有個鄰居養咗好多貓，曾經見過屋主放貓出o黎前yard 草地散步，今次特登去睇吓見唔見貓，見到有隻貓係窗口呢

開完party之後就去附近商塲度，睇吓Black Friday，執唔執到平嘢，不過咩都買唔到

某一個星期日要去Flushing 嗰邊買貓砂貓糧， 順便去Flushing 附近啲Food Court 食晚飯，有阿姐鍾意食o既台式魯肉飯

某日我放工約咗娟姐見面，陪佢食啲嘢，就一齊返我屋企，因為我晒咗Shadow 啲相比娟姐，返屋企途中，見到有隻鷹伏咗係地下

我初時以為佢比嘢kick 親對腳，可能飛唔起，所以想埋去睇吓，但隻鷹見我行埋去就飛咗上鐵欄上

又某一個星期日，同阿姐去搵早餐食，之前阿姐話St. Mark 有日本Brunch 食，就走去試吓

其實呢間個係一間麵包舖，不過附設廚房，有少少坐位，我叫咗日式早餐，啱啱開始有午餐，阿姐就order 咗個饅魚飯套餐

阿姐返咗o黎紐約咁耐，一定要去見吓阿姐個契媽，所以星期日，阿姐楂車去契媽屋企坐吓

見吓 Biscuit ，好多時契媽見我哋去探佢，仲會燉定冰糖燕窩過我哋食

坐咗一陣就同埋契媽去附近食個晏lunch，我同契媽都係食饅魚飯set lunch，阿姐叫咗個Pad Thai，另外叫咗啲壽司

 

Scan 佢哋個 QR Code，仲有一客三文魚刺身送

食完就楂車返屋企，原來仔仔爸準備咗打邊爐，Charco仔話預埋佢個位喎，哈哈

到上個星期日，朝早只係整咗火腿通粉食，咁下午我就同阿姐去唐人街食lunch，我同阿姐每次o黎呢間食lunch special 都會叫蒸鯇魚，因為係屋企係唔會有蒸鯇魚食的

冬至嗰日，其實自從奶奶唔係度，都已經無特別會做節，雖然當晚無為做冬加餸，但都有整湯圓食，而且今年有阿姐係度做節，當然要團團圓圓

前日聖誕前夕，又去咗阿姐個表姐度開扒地

又走去人哋屋企度睇貓，行去人哋屋企時，離遠見到貓主人啱啱抱咗隻黑貓返入屋，當我哋行到屋前，發現貓主人漏咗隻貓無得返屋企，呢隻應該係上次係窗口嗰隻

後來貓主人開門比佢返入屋，貓主人話佢有8 隻貓，從窗口望入去仲見到三隻全黑貓呢

表姐同佢奶奶整咗啲好靚又得意o既聖誕甜品，仲買咗個蛋糕預祝我姑仔Boxing Day 生日

平時間唔中我會同阿姐去唐人街茶餐廳食早餐，但阿姐返o黎成個幾月都未去過，所以今日就去食番個早餐，我同阿姐例牌一定係食雪菜、炸菜米粉

仲叫多個好耐無食o既邪惡西多士o忝