防疫日子

呢個新冠肺炎，係紐約嚟講都好嚴重吓

除咗超市、部份食肆、藥房，真係無咩舖頭開門，去超市都要排隊限人數進入

逢星期一至五，學校會發免費午餐比啲有需要嘅人

初初開始有疫情時，啲蒜頭都開始漲價，後來仲越漲越高，見到呢個價錢都比佢嚇親

仔仔爸係啲坐唔定嘅人，要佢日日留係屋企真係無可能，咁佢隔日都會出去行吓買吓餸

佢見我姑仔、叔仔住得遠，又唔容易買到唐人嘢，佢週不時幫佢哋買埋餸，車去佢哋屋企

某日買咗啲燒臘比我姑仔，佢開心屎

啲舖頭唔開門，仔仔爸想剪頭髮都無得剪，唯有摷番以前同阿姐小時候剪髮啲工具出嚟，佢自己“顧照自剪”，哈哈

我、仔仔爸同我姑仔、阿Pat、Stacy 好早前已經開咗個What'sApp group，平時傾吓閒計，近排大家都stay 係屋企，又分享吓家中事

某朝仔仔爸整咗個“早晨A”，我就post 上group

姑仔又唔抵得，又post 佢home made Souffle Pancake，Bobby 仔又伸手想偷食

下午係屋企，仔仔爸多數煮餃子、上海麵、湯米粉之類做午餐，某日佢整咗久遺的茄醬意粉

姑仔係屋企無“細藝”，自己係屋企種蔥同浸芽菜，自給自足咁話喎

某日Stacy 話係街見人貼街招唔見咗貓，好慘慘，好戥貓擔心同個貓主傷心

大家又分享吓家中貓地，呢隻係Stacy 的貓，真貓我未見過，但話佢都係肥貓一隻

阿Pat 樓下花園的貓貓

肥海蔘Bubble

少咗我最愛的Angie 呢

家中七貓無得出走廊散步，睇吓Minnie 個樣幾咁悶

貓地只有長時間瞓覺

我已經足足一個月無出過街，其實我只係唔鍾意帶口罩，帶咗口罩又會令眼鏡有霧氣，睇嘢好唔舒服，返到屋企又要搞清潔一大輪，所以我都係留係屋企算喇，等仔仔爸服侍，嘻嘻，我依家好似啲女人生完仔坐月咁，個紐約家居令仲要延遲到5 月中，或者仲有可能要繼續延遲，希望我唔駛坐到“百日宴”啦，哈哈

見外面天氣已經回暖，樓下公園啲櫻花都開晒，都無得出去睇吓

阿姐就一樣要返工，佢公司都有口罩派發，睇阿姐係公司幾自得其樂

希望個疫情快啲過去啦，好掛住阿姐，最慘係都唔知幾時至可以再見到個女呀，想阿姐返嚟同我出去食吓嘢