因為Bobby 受傷帶咗返屋企，留低Angie 一隻係街，姑爺仔繼續照顧佢
姑爺仔點忍心留Angie 係街，所以相隔一個月就收編埋Angie，但先係我屋企暫養咗成個月至返屋企，湊咗佢成個月，我都唔捨得佢
佢一返到姑爺仔屋企，都無再隔離，一下就將佢融入埋Bubble 同Nicole 仔相處，佢好快又同Bobby 一齊
同樣佢都好快同Nicole 仔相處到，Nicole 仔又接受佢
其實Angie原名叫Anna，因為我大伯家一成員都係叫Anna，我又唔係好想同一個名，所以我自把自為改咗佢做Angie，我大伯家其中一個成員已經叫Nicole，我曾經叫我姑爺仔同Nicole 改名，不過佢話佢叫慣，Nicole 仔又聽慣，所以決定唔改名，但Anna 呢個名，我姑仔同佢啲仔女都唔鍾意，但我姑爺仔堅持唔改名要叫番Anna，咁Anna 同Banana 差唔多音，所以我姑仔同佢啲仔女就叫Banana 做佢乳名
其實叫咩名都好啦，最緊要佢依家好幸福，有咁多人錫
佢而家一定好幸福呀
回覆刪除一定係
刪除Banana 我毛色好靚！ 你地真係好有愛心呀！
回覆刪除佢都算好靚呀，我都好鍾意三色貓
刪除咁Anna同Bobby 係前主人改嘅？
回覆刪除我都記得Angie之前喺妳屋企生活過一陣子，而姑仔最著緊Bubble會否適應到新朋友。:)
我諗係啦，Bobby就好似無名，姑爺仔嗰陣叫佢做BB，我話叫BB唔好啦，咁就改個差唔多音既名，就叫Bobby
刪除妳真係好記性，我姑仔就係驚其他貓會蝦Bubble，所以唔想咁多貓入屋，佢其實想Anna留係我屋企，好彩佢哋都相處到，不過Bubble 同Nicole 仔friend 啲
咁有愛心的家庭一定有幸福。
回覆刪除有寵物的家又幸福多啲
刪除Angie毛色真係好靘呀!咁親人貓,好彩有你姑仔收養咋!!!
回覆刪除Angie係屋企唔算好親人，唔親人唔緊要，最緊要見到佢哋幸福
刪除佢地有你們錫，真幸福，睇佢地幾鬼嘆啊！^ω^
回覆刪除做有家的貓真係好爽，只要食、玩、瞓、疴，哈哈
刪除幸福Angie！
回覆刪除有咁多人愛錫，一定幸福
刪除