上個月母親節,阿姐無返嚟同我慶祝,佢同佢男友仔阿媽去咗食Brunch
而我嗰日呢,就去咗BJ's 倉儲式商店入貨,將架購物推出門口時,需要比人check 收據,check 收據個lady 係張單度畫咗朵花,同我講Happy Mother Day
仲去咗Food Court 食埋Lunch 至返屋企
其實阿姐唔返嚟,我無所謂㗎,阿姐諗住之後嗰個星期至返嚟再同我食飯,點知佢撞咗車,好彩個人無事,但架車就玩完,撞咗車阿姐好唔開心,我唯有安慰佢話,戥Rocky & Rose 開心,因為佢哋將會有新車坐
咁阿姐決定父親節至返嚟一次過慶祝,星期六佢收工自己搭車返嚟,佢返屋企之前,去咗賣呢個芝士蛋糕,某年同阿姐去台灣買過嚟食,佢見紐約開咗就走去買,佢話無想像中貴
星期日等阿姐男友仔揸車嚟到,敏姐成日問我阿姐幾時返嚟,咁見阿姐返嚟,就約埋敏姐去唐人街食個Lunch
食飽飽阿姐要陪男友仔去買嘢,買完嘢,返屋企前,阿姐去士多買六合彩,見到貓店長
一返到屋企,Mango 仔見男友仔嚟到,就即刻由貓樹頂走落嚟,黐住男友仔
係咁要男友仔摸佢,又嗲佢
Mango 仔有去黐阿姐,但阿姐同我摸佢就咬人,佢勁衰
之後Mango 仔走咗,到Marble 仔去黐人
阿姐Book 咗枱去唐人街附近食泰國菜,行去餐館時,見到街邊有雞仔賣,好得意
食完飯,大家返屋企坐一陣,Mango 仔又去黐實人
之後阿姐就跟男友仔車走了,返到屋企,又send 報平安相比我
我姑仔又買到貓仔襪,父親節攞嚟整蠱貓地
好無奈的貓地,哈哈
阿姐無事就好喇。 身體健康最重要,以後開車要小心呀。 見到你哋美國餐館的食物大大碟,真係好吸引呢。
回覆刪除因為塞車,佢又“中”眼瞓,所以至撞車,希望唔好有第二次啦
刪除真係最緊要人無事,我第一次撞車時18歲,係就係好唔開心,而且之後幾年保險勁貴^^”,但至少以後揸車會變得更加小心。
回覆刪除之前佢都試過撞車,係比人撞,今次係因為塞車,佢又係度“中”眼瞓,所以至撞車,希望唔好有第二次啦
刪除錢財身外之物
回覆刪除人無事就心安
最緊要人無事
刪除最緊要人無事
回覆刪除你當時一定好擔心呀
佢自己最唔開心呢
刪除人平安就好,其他都無所謂喇。
回覆刪除講得啱,最緊要人無事
刪除最緊要人冇事!
回覆刪除無錯,最緊要人無事
刪除以後要打醒精神唔好中眼瞓啦! 其實隻貓仔襪係唔係應該套枱腳呢!?
回覆刪除希望佢有呢次教訓,以後打起精神啦,不過塞車嗰陣一攰又真係好易中眼瞓
刪除貓仔襪應該唔係套枱腳,本身係子母襪,能該真係攞嚟整蠱貓地,哈哈