貓、全部都係貓

早排姑仔send 咗啲相畀我睇，佢話見到鄰居有隻黃貓，係屋外面，我哋諗法都係，唔會畀家中嘅貓地出外

另外，姑仔門外出現隻黑貓，呢隻黑貓係度都有好幾年了，記得幾年前我去佢屋企都見佢行過，姑仔都唔清楚佢係流浪貓定人家放養貓，我姑仔放咗個箱，放啲食物，等佢行過都有嘢食

阿姐話早排未來女婿想養魚，所以去咗買水族用品店舖行吓，間店舖都有養貓，有得咸貓貓

阿姐公司附近又遇到貓

某日阿姐等火車返屋企時，見有人帶住貓，我講笑話人地係咪帶埋隻貓走路，哈哈

上個星期阿姐去朋友屋企玩，人家新養嘅貓女，佢個名叫Kendall，佢個樣都好似Mocha 呢

仔仔爸公司隻貓

仔仔爸去送貨畀人，又遇到貓，佢見隻貓係“烏咀”，覺得好得意

第二次送貨去又見佢，仔仔爸話佢唔怕生，一叫就嚟，佢都仲未夠一歲

之前咪話過週不時會幫敏姐訂貓糧，不嬲敏姐兩隻貓灰灰、幸幸都好怕生，但某次仔仔爸攞嘢去敏姐屋企，佢兩隻貓竟然好難得唔怕佢，見到佢都無匿番入房，灰灰仲敢嗅仔仔爸隻手

我仔仔媽呢個宅婦，就三步不出唐人街，來來去去都係見嗰幾隻舖頭貓

雜貨舖貓

菜檔其中一隻貓

西藥房Batman，見親佢多數都係瞓緊覺

遇到另一間雜貨店嘅貓仔，我引佢上嚟玩

路過Shelter，又望吓入面啲貓

呢隻係隔離樓洗衣店貓，見佢走去公園想捉白鴿，不過呢隻貓已經唔見佢好耐了

呢篇唔止得貓，仲有呢隻狗，係姑仔send 番出嚟，佢係仔仔爸係香港時養嘅狗，係我大伯嗰陣同佢前妻拍拖嗰陣買的，佢叫Matchy，後來仔仔爸同我姑仔叔仔移民嚟紐約，Matchy 就由我三家姐接收養到佢終老，睇見張相都好懷念佢

我、阿姐、姑仔幾個家庭都有養貓貓，所以一見到貓貓，都會影相同大家分享吓