Mocha出關了

我將Mocha 放係房啲糧水撤走，初時佢都仲想係房食濕糧，等我攞嘢畀佢食

唯有等佢出嚟至畀佢食

慢慢開始離開走廊，向廳移動

初時出嚟遇到其他貓，佢會兜路行

初時一出嚟，就最鍾意匿係個貓樹窿度

 

個樹窿有安全感，但會畀其他貓騷擾，開始鍾意走上上面個樹窿度

開始食嘢、飲水、週圍hea，見佢已經自在好多

已經無咁怕其他哥哥姐姐，可以一齊等開餐，一齊捕雀雀

都無咁驚仔仔爸，仲去仔仔爸度討摸

佢嚟咗成個月，指甲都開始尖，睇吓佢係咪仲好似之前剪甲咁乖先

剪甲時又聽到廚房外有其他聲音，又好好奇，原來奇哥又追住Chewy，一剪完甲就即刻要去八卦一吓

依家每晚佢會係貓樹窿度瞓，佢已經正式融入呢個屋企了