契女大咗肚

首先係度講一講，唔知我啲契仔契女o既事，可以先去“我的契仔契女”度睇睇，了解一下

係 好早前，我已經發覺我個契女Chocolate個肚大咗，不過我又覺得唔似佢之前嗰胎個肚咁大法，我以為佢係比我哋“槽”肥咗，以我所知佢今次已經係第三 胎，（一陣先至講番佢頭兩胎o既事），後來個肚就越o黎越大，我每日放工都會去睇吓佢同Shadow，留意Chocolate o既情況

Chocolate大肚照

坐係度隻後腳都係伸直，呢個就係Shadow

我個大契仔天師，搬咗去我住呢個屋村o既另一邊住，已經無再係我哋幫佢整個貓竇度瞓，不過佢間中都會返過o黎行吓

講番Chocolate頭兩胎o既事︰
第 一胎︰係舊年五月o既事，當時我仲未同Chocolate熟，係樓下清潔阿Mary姐話我知，Chocolate係樹叢底生咗貓仔，咁我就走去睇吓，佢生 咗四隻貓b，第二日我再去睇，有兩隻已經死咗，有一隻比Chocolate掉咗出o黎，但仲未死，咁仔仔爸先將死貓掉咗，再將掉出o黎嗰隻b放番入去，但 最後都係比Chocolate掉番出   o黎，咁仔仔爸用個鞋盒裝起隻貓b，我個女攞咗啲奶、棉花棒想試吓可唔可以餵隻貓b，後來有個老番婆見到話用奶係唔得，話要用淡奶溝水至得，佢又話佢以前 係救貓，咁呢個老番婆就攞咗呢隻貓b返屋企，唔知有無養得大呢

呢隻就係比Chocolate掉出o黎o既貓b

後 來Chocolate帶咗另一隻貓唔知匿咗去邊，不過後來比我發現佢哋匿埋係supermaket外面一個棄置o既麵包櫃底，我都餵過幾次，嗰陣隻貓b都 開始識食好心人比o既罐罐，之後又唔見咗佢哋兩貓b，後來剩係見番Chocolate出o黎，唔見有貓b，我諗隻貓b都係已經唔係到

第二 胎︰餵餵吓佢，又唔見咗貓一排，當我有一朝早返工時，係另一楝大厦外見番佢，見佢已經又大咗肚，佢一聽到我叫佢，佢即刻走埋o黎，狂喵我，我覺得佢係好肚 餓，但當時我又無貓糧係身，又趕住返工，我就call仔仔爸，講出佢大約   o既位置叫仔仔爸攞糧比佢食，之後又唔見咗一排，到見番佢，已經冇大肚，咁即係話已經生咗，不過都唔知佢去咗邊度生，之後都係見到佢自己出o黎同天師、 Shadow一齊，咁即係啲貓b又無晒