原本我從來無諗過帶佢哋返屋企，只係不 斷諗辨法想幫吓佢哋，係呢個屋村，我認識一位長年餵流浪貓o既女仕，佢叫敏姐，有人叫佢做“cat lady”，佢已經餵咗六年貓，佢自己屋企都有三隻貓，但佢只係餵佢楝大厦附近o既貓，我都明白，個屋村咁大，又根本無能力餵得晒所有o既貓，呢個敏姐， 都認識一啲貓組織o既人，佢餵開嗰啲貓，佢都係搵呢啲組織幫手帶貓去絶育，其中一個組織叫“neighborhood cats”，類似香港o既“cccp”，敏姐都有叫我send e-mail比佢哋，但到依家都仲未有回覆
講番我點解會帶佢哋返屋企，係 因為係3月16日，我放工返到屋企樓下，見到Mary姐，佢話我知，因為會有政府高層o黎巡村，敇令要掉晒所有o既垃圾，咁當然要掉晒啲貓竇，咁即係話要 掉晒啲貓b，咁三樓個西班牙靚女，佢同我講話佢會明日一早佢返工前帶貓b返屋企，到佢放工返屋企，再帶貓b返落o黎，我心諗︰咁唔掂 姐，Chocolate唔見晒啲貓b，咁點算﹖啲貓b咁多個鐘冇奶食又係唔得姐，我好明白個靚女係一片好心，因為佢屋企已經有三隻貓、兩隻芝華華，佢媽媽 好唔鍾意佢咁餵啲流浪貓，於是我打比仲係返緊工o既仔仔爸，講呢件事佢知，佢聽完就問我係咪想帶貓貓返屋企，我話係，咁佢都話好，我咁就等埋個女放學返o 黎，一齊去帶貓貓返屋企，依家Shadow、Chocolate成日都係一齊，而且啲貓竇都無晒，Shadow咪無竇瞓，所以我索性帶埋Shadow返屋 企，我係見我奶奶唔係屋企至可以咁做，其實我都係諗住比佢哋住幾日，之後我走去三樓通知個西班牙靚女話比佢知，啲貓係我屋企，佢聽到都好開心
帶咗佢哋返屋企，同上次一樣，先同佢哋抺吓身，佢哋真係唔怕生，好唔客氣週屋行，Shadow仲想同Charco仔打交，嚇到Charco仔匿係房唔敢出o黎，就算關咗房門，佢都要昅住個門口，驚死會有貓走入o黎
咁我哋睇睇啲貓b先啦
其中一隻全黑貓b、虎紋貓
由我上次帶Shadow、Chocolate去我公司養嗰陣，我就發覺Shadow有時會痾軟便便，所以佢隻後腳有時會“high”到便便，咁乾咗就黐住啲 毛一舊舊，仔仔爸放工返o黎，話同佢洗吓，不過還掂都係洗，順便同佢沖埋涼，仔仔爸負責抱住佢，我就幫佢沖洗，Shadow除咗有輕微掙扎之外，又無咬、 又無抓，當我用毛巾包住佢係我大脾抺身，都無郁，佢真係好乖
睇睇佢個濕身樣
左邊係Chocolate，右邊係Shadow，一齊係梳化度“hea”，佢哋真係好唔客氣，當正自己屋企咁
沒有留言:
張貼留言