肥仔餅

Charco仔自從過咗兩歲生日之後，就同佢阿媽我一樣，開始發福，大家睇吓，佢係咪肥咗好多

條腰幾粗

個肚仲脹卜卜o架(阿姐話物佢咁樣衰o既)

睇吓佢啲豬腩肉都凸晒出o黎

啤梨身型幾易認

點解肥得咁快，一定有原因o既

話 說有一晚食緊飯，一路食就一路傾，講開原來每朝仔仔爸返工前，會比六粒脆卜卜比Charco食，我每日返工前又會比六粒佢食，我放工返屋企，又會比六粒佢 食，仔仔爸食完飯又比六粒佢食，咁阿姐心情靚又比幾粒佢食，咁即係話，個衰仔每日起碼都食廿幾粒，有時又有其他正嘢食，真係想唔肥都幾難啦，所以依家每次 脆卜卜o既份量都要減半，唔係驚佢肥到阿媽都唔認得

其實貓貓肥肥哋係得意啲o既，不過都係唔好比佢再肥，話晒太肥都係對佢健康唔好，我都唔想佢有唔舒服，要睇醫生，見到個仔有事又心痛，見個荷包出血又肉痛

睇吓我買幾多脆卜卜，每次有特價、有Coupon，我都會入定貨，隻隻個衰仔都鍾意食

唔係我叫個衰仔埋o黎影相o架，係佢自己八掛要走埋o黎八，可能佢又想上鏡

就係因為佢食咁多脆卜卜而肥，所以我哋以後都叫啲脆卜卜做“肥仔餅”