遲來的生日禮物(開估)

(開估)

仔仔爸話︰我哋搵地方搬

呢句說話嚇到我奶奶唔敢出聲囉，當我知道我老公講句咁o既嘢，我好驚我奶奶會嬲我，因為個仔為咗個老婆愛隻貓而威脅佢，不過佢嬲我都唔理佢喇，保住天師仔就最緊要，唯有等我慢慢氹番奶奶喇

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
嫁咗仔仔爸十幾年，我從來都無要求要生日禮物，仲係好多年都無生日禮物添，今年我有要求喇，但佢聽完之後又唔睬我，正衰佬（果然係衰仔個老豆，不過我唔係衰婆）

係10月15日，我終於得到呢份禮物啦

您哋想唔想知係物嘢生日禮物吖，就算您哋唔想知我都要講o架喇

..

...

...

....

就係...

我契仔天師啦，佢依家唔係我契仔喇，係我個仔呀

佢o黎咗我屋企成個幾月喇，點解我咁遲至講，咪因為佢仲未過危險時期囉（即係未過到我奶奶嗰關呀），依家佢終於正式成為我家一份子

其 實初時仔仔爸只係諗住帶天師去絶育，比佢係屋企休養，但我點會想佢再放出街吖，點知呢隻仔又好鍾意呢度，佢又好識做喎，乖到不得了，搞到仔仔爸都唔捨得放 佢出街，但我奶奶每個星期一返o黎就話下個星期我唔要再見到佢，好放番佢出去，原先想用拖字訣，但我奶奶每次都用好嚴厲o既語氣講，咁我就問仔仔爸點算， 佢話由得佢，到時至算，我見佢依家咁鍾意天師，佢又講得咁無所謂，所以我咪由得佢去同佢阿媽拆掂佢囉

最後仔仔爸只係同我奶奶講咗一句說話，之後上個星期日我奶奶返o黎就無再出過聲

咁比您哋估吓，仔仔爸同我奶奶講咗句物嘢說話